જામનગરમાં કાલાવડ નાકા બહારથી જાહેરમાં એકી-બેકીના આંકડા ઉપર જુગાર રમતા બે શખ્સ ઝડપાયા

Jamnagar Gambling Raid : જામનગર શહેરના સીટી-એ ડિવિઝન પોલીસ સ્ટેશન વિસ્તારમાં કાલાવાડ નાકા બહાર દરબારગઢ પાસે જાહેર રોડ પર એકી-બેકીના આંકડા બોલી જુગાર રમાતો હોવાની બાતમીના આધારે પોલીસે દરોડો પાડ્યો હતો.
પોલીસના જણાવ્યા મુજબ તા.16 સપ્ટેમ્બરના રોજ બપોરે 2:10 વાગ્યાના અરસામાં દરોડો પાડવામાં આવ્યો હતો. આ કાર્યવાહી દરમિયાન કાસીમ યુનુસભાઈ સોઢા (ઉ.વ.26, રહે. ગુજરાતીવાડ, પટ્ટણીવાડ રોડ, કાલાવાડ નાકા બહાર, જામનગર) તથા હાસમભાઈ ઓશમાણભાઈ ડાલુ (ઉ.વ.71, રહે. ટિટોડીવાડી, ખોજાનાકા રોડ, જામનગર) મળી આવ્યા હતા.
બંને શખ્સો જાહેરમાં ભારતીય ચલણી નોટોના નંબર ઉપર એકી-બેકીના આંકડા બોલી પૈસાની હારજીત કરી જુગાર રમતા-રમાડતા હોવાનું પોલીસ ફરિયાદમાં જણાવાયું છે. પોલીસે બંને પાસેથી કુલ રૂ.760ની રોકડ કબજે કરી જુગારધારા કલમ 12 હેઠળ ગુનો નોંધ્યો છે.