જામનગરના હાપા માર્કેટિંગ યાર્ડમાં મરચાંની હરાજીમાં સૌરાષ્ટ્રના ખેડૂતો જોડાયા
- મરચાં સહિતની અન્ય જણાશો ની હરાજીમાં ઊંચો ભાવ મળતો હોવાથી સૌરાષ્ટ્રભરના ખેડૂતો જામનગર ભણી વળ્યા
જામનગર, તા.22
જામનગરના હાપા માર્કેટિંગ યાર્ડમાં જુદી જુદી જણસો ની હરાજી થાય છે, જેમાં ખેડૂતોને ખૂબ જ ઊંચો ભાવ મળી રહ્યો હોવાથી સૌરાષ્ટ્રભરના ખેડૂતો જામનગરમાં હાપા માર્કેટિંગ યાર્ડમાં પોતાની જણસોને વેચાણ કરવા માટે આવી રહ્યા છે આજે મરચાની હરાજીમાં પણ કોટડાસાંગાણી સહિતના વિસ્તારના ખેડૂતો આવ્યા હતા, અને પોતાની જણસના ઊંચા ભાવ મળ્યા હોવાથી ખુશખુશાલ જોવા મળ્યા હતા.
કોટડાસાંગાણી તેમજ આસપાસના વિસ્તારના ખેડૂતોએ પોતાના મરચાના વેચાણના 3,255થી વધુ ભાવ મેળવ્યા હોવાથી ખૂશી વ્યક્ત કરી હતી.
આ ઉપરાંત અજમો તથા અન્ય જુદી જુદી જ ણસોની પણ હરાજી માટે સમગ્ર સૌરાષ્ટ્રના ખેડૂતો જામનગર તરફ વળી રહ્યા છે, અને સૌરાષ્ટ્રમાં જામનગરના હાપા માર્કેટીંગ યાર્ડમાં જણસોના ઊંચા ભાવ મળી રહ્યા છે.
જામનગરના હાપા માર્કેટિંગ યાર્ડમાં મરચાંની હરાજીમાં સૌરાષ્ટ્રના ખેડૂતો જોડાયા pic.twitter.com/jnrHyswowY
— Gujarat Samachar (@gujratsamachar) February 22, 2022
