જામનગર શહેરમાં પોલીસ તંત્ર દ્વારા તા.21 થી 25 દરમ્યાન ટ્રાફિક ડ્રાઇવ યોજાશે

જામનગર, તા.21 માર્ચ 2021,મંગળવાર 

જામનગર શહેરમાં પોલીસ વિભાગ દ્વારા તારીખ 21 થી 25 માર્ચ સુધી ટ્રાફિક ડ્રાઇવ કરવામાં આવશે. આથી લોકોએ પોતાના વાહનો નિયત સ્થળે જ પાર્ક કરવા, અન્યથા આવા વાહનો ડિટેઇન કરવામાં આવશે તેમ જણાવ્યું છે.

જામનગર શહેરમાં પોલીસ તંત્ર દ્વારા તારીખ 21 થી 25 માર્ચ આ પાંચ દિવસ દરમિયાન ટ્રાફિક ડ્રાઇવ રાખવામાં આવી છે. જેમાં શહેરમાં મુખ્ય માર્ગો ઉપર થતા દબાણો તથા નાગરિકો દ્વારા ગેરકાયદેસર થતા વાહન પાર્કિંગ અંગે કડક કાર્યવાહી કરવામાં આવશે.

આ ટ્રાફિક ડ્રાઈવ દરમ્યાન ગેરકાયદેસર રીતે પાર્ક કરેલા વાહનો ડિટેઇન કરવામાં આવશે. આથી લોકોએ નિયત સ્થળે જ વાહન પાર્ક કરવા પોલીસ દ્વારા અખબારી યાદીમાં જણાવાયું છે.