જામનગરમાં રહેતી પરણીત યુવતીએ અગમ્ય કારણોસર ગળાફાંસો ખાઈ જીવન ટૂંકાવ્યું

Jamnagar : જામનગર શહેરના ઢીચડા રોડ વિસ્તારમાં રહેતી એક યુવતીએ પોતાના ઘરે ગળાફાંસો ખાઈ જીવન ટૂંકાવી લેતાં અરેરાટી વ્યાપી ગઈ છે.
પોલીસના જણાવ્યા મુજબ, તિરૂપતિ-1 વિસ્તારમાં રહેતી ડિમ્પલબેન સિદ્ધાર્થભાઈ પરમાર (ઉંમર 22 વર્ષ)એ કોઈ અગમ્ય કારણોસર પોતાના રહેણાંક મકાનમાં છતના પંખા સાથે ચૂંદડી વડે ગળાફાંસો ખાઈ લીધો હતો.
પરિવારજનો દ્વારા તેમને તાત્કાલિક સારવાર માટે જામનગરની જી.જી. હોસ્પિટલ ખાતે ખસેડવામાં આવ્યા હતા, જ્યાં સારવાર દરમિયાન ડોક્ટરે તેમને મૃત જાહેર કર્યા હતા.
બનાવ અંગે સીટી સી ડિવિઝન પોલીસે મૃતક યુવતીના પતિ સિદ્ધાર્થ શરદભાઈ પરમારની જાહેરાતના આધારે અપમૃત્યુનો ગુનો નોંધી મોતનું ચોક્કસ કારણ જાણવા વધુ તપાસ હાથ ધરી છે.