ધ્રોળના વાંકીયા ગામની સીમમાં વાડી પાસેથી વિદેશી દારૂ સાથે મધ્યપ્રદેશનો શખ્સ ઝડપાયો : 17 નંગ વિદેશી દારૂની બોટલ કબજે
Summarized by AI; it may make mistakes. Check important info
Summarized by AI; it may make mistakes. Check important info

Jamnagar Liquor Raid : ધ્રોલ તાલુકાના વાંકીયા ગામની સીમમાં આવેલી એક વાડી પાસે વિદેશી દારૂ સાથે ઊભેલા મધ્યપ્રદેશના 35 વર્ષના શ્રમિકને પોલીસ પોલીસે ઝડપી લીધો હતો.
પ્રાપ્ત વિગતો મુજબ, ધ્રોળ પોલીસ સ્ટેશનનો સ્ટાફ વાંકીયા ગામ નજીક પેટ્રોલિંગમાં હતો, ત્યારે ખાનગી રાહે ચોક્કસ બાતમી મળી હતી કે વાંકીયા ગામની સીમમાં પરષોત્તમભાઈ નરશીભાઈ કણઝારિયાની વાડીમાં રહેતો નહેરુભાઈ પાંગલાભાઈ ગણાવા વિદેશી દારૂ સાથે ઊભો છે. જેના આધારે પોલીસે પંચોને સાથે રાખી સાંજે દરોડો પાડ્યો હતો.
દરમિયાન વાડીના શેઢા પાસે પ્લાસ્ટિકના થેલા સાથે ઊભેલા નહેરુભાઈ પાંગલાભાઈ ગણાવા (ઉ.વ.35, મૂળ રહે. આમખૂટ ગામ, મધ્યપ્રદેશ)ની તપાસ કરતાં તેની પાસેથી વિદેશી દારૂની 180 મિલીની શીલબંધ બોટલો મળી આવી હતી. પોલીસે કુલ 17 નંગ બોટલ, જેની કિંમત રૂ.1,700 થાય છે, તે કબજે કરી હતી.
દારૂ રાખવા અંગે કોઈ પાસ-પરમિટ ન હોવાનું જણાતાં પોલીસે આરોપીની પ્રોહિબિશન એક્ટની કલમ 65(એ)(એ) હેઠળ ધરપકડ કરી કાયદેસરની કાર્યવાહી હાથ ધરી હતી.




