જામનગર નજીક મોટી ખાવડીમાં વિદેશી દારૂનો જથ્થો ઝડપાયો

Jamnagar: તા 3 મેઘપર (પડાણા) પોલીસની ટીમે મોટી ખાવડી ગામના આંબાવાડી વિસ્તારમાં દરોડો પાડી રૂ.96,350ના વિદેશી દારૂના જથ્થા સાથે એક શખ્સને ઝડપી લીધો હતો.

પોલીસે વિમલભાઇ વીનુભાઇ પરમાર (ઉ.વ.28)ની ઓરડીમાંથી ભારતીય બનાવટના વિદેશી દારૂની 84 બોટલ, કિંમત રૂ.42 હજાર, તેમજ 329 ચપલા, કિંમત રૂ.49,350 અને રૂ.5 હજારનો મોબાઇલ ફોન મળી કુલ રૂ.96,350નો મુદ્દામાલ કબજે કર્યો હતો. તપાસ દરમિયાન દારૂનો જથ્થો કરણભાઇ વિકાણી, રહે. મોરબી, દ્વારા સપ્લાય કરવામાં આવ્યો હોવાનું સામે આવ્યું હતું. પોલીસે બંને સામે ગુનો નોંધી વિમલભાઇની ધરપકડ કરી છે, જ્યારે કરણભાઇની શોધખોળ હાથ ધરવામાં આવી છે.