વેનેઝુએલા ભૂકંપમાં વિનાશ બાદ કુદરતનો ચમત્કાર, કાટમાળમાંથી 18 દિવસના નવજાતને હેમખેમ બચાવાયો

Venezuela Earthquake 2026: જ્યારે કુદરત પોતાનું રૌદ્ર સ્વરૂપ બતાવે છે ત્યારે ચારેબાજુ માત્ર તબાહી જ જોવા મળે છે, પરંતુ તે જ તબાહીની વચ્ચે જ્યારે જિંદગી જીતી જાય છે, ત્યારે તેને જ આપણે 'ચમત્કાર' કહીએ છીએ. આવો જ એક અકલ્પનીય અને આંખમાં આંસુ લાવી દે તેવો ચમત્કાર વેનેઝુએલામાં જોવા મળ્યો છે. શક્તિશાળી ભૂકંપના કારણે અનેક ઈમારતો પત્તાના મહેલની જેમ ધરાશાયી થઈ ગઈ છે. આ જ કાટમાળની નીચે એક 18 દિવસનું નવજાત બાળક ફસાયેલું હતું, જેને બચાવ ટીમે ભારે જહેમત બાદ જીવતું બહાર કાઢ્યું છે.

હાજર દરેક વ્યક્તિ રડી પડી

જ્યારે આ માસૂમ બાળકને તેના લાચાર અને રડતા પિતાના હાથમાં સોંપવામાં આવ્યું, ત્યારે ત્યાં હાજર દરેક વ્યક્તિ રડી પડી હતી. આ ભાવુક પુનઃમિલનનો વીડિયો સોશિયલ મીડિયા પર અત્યારે જોરદાર વાઈરલ થઈ રહ્યો છે અને કરોડો લોકોની આંખો ભીની કરી રહ્યો છે. આ કુદરતી કરિશ્મા અહીં જ પૂરો ન હતો થયો. બચાવ ટુકડીએ આશા ગુમાવ્યા વિના તે જ જગ્યાએ ફરીથી સર્ચ ઓપરેશન ચાલુ રાખ્યું. બરાબર 90 મિનિટ પછી, ટીમે તે જ કાટમાળના ઊંડાણમાંથી બાળકની માતાને પણ જીવતી બહાર કાઢી લીધી! જુઓ VIDEO