દુનિયાના અબજપતિઓની યાદીમાં ઉથલપાથલ, ટોપ-10 માં એક પણ ભારતીય નહીં...!

Tech Titans Rule Global Wealth: વૈશ્વિક શેરબજારોમાં ચાલી રહેલા ભારે ઉતાર-ચઢાવ વચ્ચે ગ્લોબલ અબજપતિઓની યાદીમાં મોટો ધરખમ ફેરફાર નોંધાયો છે. બ્લૂમબર્ગ બિલિયોનેર્સ ઇન્ડેક્સ અનુસાર વૈશ્વિક સ્તરે ટોપ-10 સૌથી ધનિક વ્યક્તિઓની ક્લબમાં એક પણ ભારતીય ઉદ્યોગપતિ પોતાનું સ્થાન જાળવી શક્યા નથી. વિશ્વના અબજોપતિઓની આ યાદી પર અમેરિકન ટેકનોલોજી અને વૈશ્વિક જાયન્ટ્સના માલિકોનો એકચક્રી દબદબો જોવા મળી રહ્યો છે.

ટોપ-10 અબજપતિઓની યાદી અને તેમની અંદાજિત નેટવર્થ

1. ઈલોન મસ્ક

કંપની: ટેસ્લા, સ્પેસએક્સ, X

નેટવર્થ: $341 અબજ (આશરે ₹28.98 લાખ કરોડ)

વિશ્વના સૌથી ધનિક વ્યક્તિ તરીકે ઈલોન મસ્ક પ્રથમ સ્થાને મજબૂત રીતે યથાવત છે. તાજેતરમાં તેમની સંપત્તિમાં ₹3.23 લાખ કરોડ ($37.5 અબજ)નો તોતિંગ ઉછાળો નોંધાયો હતો અને તેઓ વિશ્વના પ્રથમ ટ્રિલિયોનેર બનવાની દિશામાં આગળ વધી રહ્યા છે.

2. જેફ બેઝોસ 

કંપની: એમેઝોન

નેટવર્થ: $214 અબજ (આશરે ₹18.19 લાખ કરોડ)

ઈ-કોમર્સ જાયન્ટ એમેઝોનના સ્થાપક જેફ બેઝોસ સતત મજબૂત નાણાકીય સ્થિતિ સાથે વૈશ્વિક યાદીમાં બીજા ક્રમે છે.

3. માર્ક ઝકરબર્ગ

કંપની: મેટા (Meta – Facebook, Instagram, WhatsApp)

નેટવર્થ: $208 અબજ (આશરે ₹17.68 લાખ કરોડ)

આર્ટિફિશિયલ ઇન્ટેલિજન્સ (AI) અને સોશિયલ મીડિયા પ્લેટફોર્મ્સના દમદાર પ્રદર્શનને પગલે મેટાના ચીફ એક્ઝિક્યુટિવ માર્ક ઝકરબર્ગ ત્રીજા સ્થાને બિરાજમાન છે.

4. લેરી એલિસન

કંપની: ઓરેકલ

નેટવર્થ: $195 અબજ (આશરે ₹16.57 લાખ કરોડ)

ક્લાઉડ કમ્પ્યુટિંગ અને એન્ટરપ્રાઇઝ સોફ્ટવેર ક્ષેત્રે ઓરેકલના શેરમાં આવેલા ઉછાળાના કારણે લેરી એલિસન ચોથા સ્થાને પહોંચ્યા છે.

5. બર્નાર્ડ આર્નોલ્ટ

કંપની: LVMH (લુઈ વિટન, ડીઓર)

નેટવર્થ: $172 અબજ (આશરે ₹14.62 લાખ કરોડ)

લક્ઝરી ફેશન ક્ષેત્રના સુલ્તાન ગણાતા ફ્રાન્સના બર્નાર્ડ આર્નોલ્ટ વિશ્વના ટોપ-10માં સામેલ એકમાત્ર બિન-અમેરિકન બિઝનેસમેન તરીકે પાંચમા ક્રમે છે.

6. બિલ ગેટ્સ

કંપની: માઇક્રોસોફ્ટ

નેટવર્થ: $162 અબજ (આશરે ₹13.77 લાખ કરોડ)

ટેક દિગ્ગજ માઇક્રોસોફ્ટના કો-ફાઉન્ડર અને જાણીતા ફિલાન્થ્રોપિસ્ટ બિલ ગેટ્સ યાદીમાં છઠ્ઠા સ્થાને છે.

7. લેરી પેજ

કંપની: આલ્ફાબેટ (Google)

નેટવર્થ: $152 અબજ (આશરે ₹12.92 લાખ કરોડ)

ગૂગલના સહ-સ્થાપક લેરી પેજ આલ્ફાબેટના ઉત્કૃષ્ટ બિઝનેસ ગ્રોથ સાથે સાતમા ક્રમે છે.

8. વોરેન બફેટ

કંપની: બર્કશાયર હેથવે

નેટવર્થ: $148 અબજ (આશરે ₹12.58 લાખ કરોડ)

શેરબજારના 'ઓરેકલ ઓફ ઓમાહા' તરીકે ઓળખાતા દિગ્ગજ રોકાણકાર વોરેન બફેટ આઠમા ક્રમે અડીખમ છે.

9. સર્ગેઈ બ્રિન

કંપની: આલ્ફાબેટ (Google)

નેટવર્થ: $145 અબજ (આશરે ₹12.32 લાખ કરોડ)

ગૂગલના અન્ય સહ-સ્થાપક સર્ગેઈ બ્રિન ટેક શેર્સના દમ પર નવમા સ્થાન પર યથાવત છે.

10. સ્ટીવ બાલ્મર

કંપની: માઇક્રોસોફ્ટ (પૂર્વ CEO / ઇન્વેસ્ટર)

નેટવર્થ: $144 અબજ (આશરે ₹12.24 લાખ કરોડ)

માઇક્રોસોફ્ટના પૂર્વ સીઇઓ અને લોસ એન્જલસ ક્લિપર્સ ટીમના માલિક સ્ટીવ બાલ્મર ટોપ-10ની ક્લબમાં દસમા ક્રમે છે.

અંબાણી-અદાણી કેમ પાછળ ધકેલાયા?

ભારતીય શેરબજારમાં તાજેતરમાં જોવા મળેલી ભારે વોલેટિલિટી અને વિદેશી રોકાણકારો દ્વારા કરવામાં આવેલી વેચવાલીના કારણે ભારતીય દિગ્ગજોને મોટો આર્થિક ફટકો પડ્યો છે:

• મુકેશ અંબાણીને ₹20000 કરોડનું નુકસાન: રિલાયન્સ ઇન્ડસ્ટ્રીઝના ચેરમેન મુકેશ અંબાણીની નેટવર્થમાં શેરના કડાકા બાદ એક જ ઝાટકે આશરે ₹20,000 કરોડ ($2.5 અબજ)નું મોટું ધોવાણ થયું છે. આ ઘટાડા સાથે તેમની કુલ નેટવર્થ ઘટીને આશરે $102 અબજ (આશરે ₹8.67 લાખ કરોડ) થઈ ગઈ છે અને તેઓ લપસીને 18મા ક્રમે પહોંચી ગયા છે.

• ગૌતમ અદાણી પણ ટોપ-15માંથી બહાર: અદાણી ગ્રૂપના ચેરમેન ગૌતમ અદાણીની સંપત્તિ પણ ઘટીને આશરે $98 અબજ (આશરે ₹8.33 લાખ કરોડ) આસપાસ આવી જતાં તેઓ 19માંથી 20મા સ્થાને સરકી ગયા છે.