ગ્વાદરમાં BLAની બોટ આર્મીનો મોટો હુમલો, પાકિસ્તાની કૉસ્ટ ગાર્ડના 13 સૈનિકો માર્યા ગયાનો દાવો

BLA Claims 13 Pakistani Coast Guard Killed Gwadar Attack: બલૂચ લિબરેશન આર્મી (BLA)એ દાવો કર્યો છે કે, બલૂચિસ્તાન ગ્વાદર જિલ્લાના જિવાણીમાં બે બોટ પર થયેલા હુમલામાં પાકિસ્તાની કૉસ્ટ ગાર્ડના 13 જવાનો માર્યા ગયા છે. સમૂહે કહ્યું કે, આ ઓપરેશનને તેની દરિયાઈ ઈકાઈ, હમ્માલ મેરીટાઈમ ડિફેન્સ ફોર્સ (HMDF)એ અંજામ આપ્યો છે.

પાકિસ્તાની કૉસ્ટ ગાર્ડના 13 સૈનિકો માર્યા ગયા

11 ઓક્ટોબરના એક નિવેદનમાં BLAએ દાવો કર્યો કે, હુમલામાં પાકિસ્તાનના કૉસ્ટ ગાર્ડની બે બોટને નિશાન બનાવવામાં આવી અને તેમાં 13 જવાનો માર્યા ગયા છે. સમૂહે આ ઓપરેશનની જવાબદારી પણ લીધી છે.

BLAના પ્રવક્તા જીયંદ બલૂચનાના જણાવ્યા પ્રમાણે સંગઠને 13 એપ્રિલ 2026ના રોજ પોતાની મેરીટાઈમ વિંગ બનાવી હતી, જેણે પોતાનું પહેલું દરિયાઈ ઓપરેશન એક દિવસ પહેલા, 12 એપ્રિલે મીલ તિયાબ વિસ્તારમાં ચલાવીને પાકિસ્તાની નેવીની પેટ્રોલ બોટને નિશાન બનાવી હતી અને ત્રણ જવાનોને મારી દીધા હતા.

સમૂહના જણાવ્યા પ્રમાણે આ યુનિટ કોસ્ટલ એરિયાઝની હિફાજત અને પાકિસ્તાની સિક્યોરિટી ફોર્સિસના મૂવમેન્ટને રોકવા માટે કામ કરે છે. BLAએ કહ્યું કે, ઓપરેશન વિશેની વધુ જાણકારી બાદમાં મીડિયા સાથે શેર કરવામાં આવશે.

ગ્વાદર પોર્ટ વિવાદનું કેન્દ્ર

તમને જણાવી દઈએ કે, બલૂચિસ્તાન દક્ષિણમાં સ્થિત ગ્વાદર પોર્ટ વિવાદનું કેન્દ્ર બન્યું છે. ચીન તેને પોતાના BRI પ્રોજેક્ટનો મહત્ત્વપૂર્ણ હિસ્સો માને છે, જ્યાંથી તે સીધા અરબ સાગર સુધી પહોંચ બનાવી શકે છે, પરંતુ બલૂચોની નજરમાં આ પ્રોજેક્ટ તેમના માટે નથી.

સ્થાનિક લોકોમાં નારાજગી

તેઓ માને છે કે તેમની જમીન લેવામાં આવી રહી છે, તેમના સંસાધનોનો ઉપયોગ બહારની તાકાતો કરી રહી છે અને બદલામાં ન તો રોજગાર મળી રહ્યો છે અને ન તો ક્ષેત્રનો વિકાસ થઈ રહ્યો છે. ગ્વાદર શહેર, જે ક્યારેક એક શાંત તટીય કસ્બો હતો, હવે ત્યાં ભારે સૈન્ય મોજૂદગી છે, જેનાથી સ્થાનિક લોકોમાં નારાજગી વધી ગઈ છે.