ઈજિપ્તના ગીઝામાં મોટી દુર્ઘટના! પેસેન્જર ટ્રેનના 4 ડબ્બા પાટા પરથી ઊતરી ગયા, 120 લોકો ઈજાગ્રસ્ત

Egypt Passenger Train Derails In Giza Over 120 Injured: ઈજિપ્તના ગીઝા ગવર્નરેટમાં 8 નવેમ્બર 2026 ના રોજ અલ આયત વિસ્તારમાં આવેલા ગેર્ઝા ગામ નજીક એક પેસેન્જર ટ્રેનના 4 ડબ્બા પાટા પરથી ઊતરી જતાં ગંભીર અકસ્માત સર્જાયો હતો. આ રેલ દુર્ઘટનામાં 120થી વધુ લોકો ઈજાગ્રસ્ત થયા છે. ઘટનાની જાણ થતાં જ નાગરિક સુરક્ષા અને ઈમરજન્સી સેવાઓ તાત્કાલિક ઘટનાસ્થળે પહોંચી ગઈ હતી.

બચાવ કામગીરી અને તબીબી સહાય

એમ્બ્યુલન્સની તૈનાતી: શરૂઆતમાં આરોગ્ય મંત્રાલય દ્વારા 20 એમ્બ્યુલન્સ મોકલવામાં આવી હતી, પરંતુ અકસ્માતની ગંભીરતાને જોતાં બાદમાં એમ્બ્યુલન્સની સંખ્યા વધારીને 50 કરવામાં આવી હતી.

હોસ્પિટલ એલર્ટ: ઈજાગ્રસ્તોને સારવાર માટે નજીકના બેની સુએફ ગવર્નરેટની હોસ્પિટલોમાં ખસેડવામાં આવ્યા છે, જ્યારે ગીઝાની હોસ્પિટલોને હાઈ એલર્ટ પર રાખવામાં આવી છે.

ટ્રેક ક્લિયરન્સ: પાટા પરથી ઊતરી ગયેલી બોગીઓને હટાવવા અને રેલ માર્ગ પુનઃ શરૂ કરવા માટે રેલવે રિકવરી ક્રેન્સ તૈનાત કરવામાં આવી છે.

અકસ્માત અંગે તપાસના આદેશ

ઈજિપ્તના વહિવટી તંત્રએ અકસ્માતનું ચોક્કસ કારણ જાણવા માટે તપાસ શરૂ કરી દીધી છે. પોલીસને બનાવ અંગે વિગતવાર અહેવાલ તૈયાર કરવા અને પ્રત્યક્ષદર્શીઓ તેમજ ઈજાગ્રસ્ત મુસાફરોના નિવેદનો નોંધવા આદેશ આપવામાં આવ્યા છે.