નશો કરવા રૂપિયા નહીં આપતા યુવાન પર પાઇપથી હુમલો

Vadodara Crime : વડોદરામાં પ્રતાપ નગરના ડેરી રોડ પર લકી એપાર્ટમેન્ટમાં રહેતા 25 વર્ષના શ્રમજીવી યુવક સંજય પરમાર માંજલપુર પોલીસ સ્ટેશનમાં ફરિયાદ નોંધાવી જણાવે છે કે ગઈકાલે રાત્રે 8:30 વાગે હું તુલસી અને એપાર્ટમેન્ટ પાસે મારા મિત્રને મળવા માટે ગયો હતો. તે દરમિયાન અજય તેજવીરભાઈ ચૌધરી (રહે-આકાર ગંગા સોસાયટી, માંજલપુર) મારી પાસે આવ્યો હતો અને નશો કરવા માટે 2000 ની માંગણી કરી હતી. પરંતુ મેં ના પાડતા તેણે જબરજસ્તીથી મારા પેન્ટના ખીસ્સામાંથી 1500 રૂપિયા કાઢી લીધા હતા. મને જાતિ અપમાનિત શબ્દો કહિ જાનથી મારી નાખવાની ધમકી આપી હતી. મને ગાળો બોલી લોખંડની પાઇપ વડે મારા પર હુમલો કરી પેટ, પીઠ અને માથાના ભાગે ઇજા કરી હતી ત્યારબાદ હું ત્યાંથી ભાગી ગયો હતો.