પાણીગેટ બાવચાવાડમાં વિદેશી દારુ વેચતી મહિલા ઝડપાઈ

પાણીગેટ બાવચાવાડમાં દારુ વેચતી મહિલા સહિત ત્રણ આરોપીઓને પોલીસે દારુની 169 બોટલ સાથે પોલીસે ઝડપી પાડયા છે.

પાણીગેટ બાવચાવાડમાં રહેતો નિશાંત ઉર્ફે  ગોટિયો ભટ્ટ તથા પાયલબેન થાપા વિદેશી દારૂનો જથ્થો લાવ્યા છે અને વેચાણ કરતો હોવાની માહિતી પી.સી.બી. પોલીસને મળી હતી. જેથી, પોલીસે ઉપરોક્ત સ્થળે જઇને તપાસ કરતા નિશાંત ઉર્ફે ગોટિયો ગોપાલભાઇ ભટ્ટ (રહે. સ્લમ ક્વાટર્સ, બાવચાવાડ,  પાણીગેટ) મળી આવ્યો હતો. પોલીસે તેની પાસેથી દારૂની 77 બોટલ કિંમત  રૂપિયા 23,100 ની કબજે કરી હતી.જ્યારે  પાયલ હરિશભાઇ થાપા (રહે.સ્લમ ક્વાટર્સ, બાવચાવાડ,પાણીગેટ) પાસેથી 54 બોટલ કિંમત રૂપિયા 16,200ની કબજે  કરવામાં આવી છે.

ખોડિયાર નગર ડી માર્ટની પાછળ મણીનગર સોસાયટીમાં રહેતો પવન ઉર્ફે ગોલુ બંસીલાલ તોલાણી દારુ વેચતો  હોવાની માહિતીના આધારે પોલીસે રેડ કરતા પવન મળી આવ્યો હતો. તેની પાસેથી દારૂની 38 બોટલ કિંમત રૂપિયા 10,450ની કબજે કરવામાં આવી છે.