વિરમગામ શહેરમાં અડધી રાત્રે જાહેર રસ્તા પર બર્થડે ઉજવણી, આતશબાજી સાથે કેક કાપવાનો વીડિયો વાયરલ
Summarized by AI; it may make mistakes. Check important info
Summarized by AI; it may make mistakes. Check important info
Viral Video: અમદાવાદ જિલ્લાના વિરમગામ તાલુકામાં મોડી રાત્રે જન્મદિવસની ઉજવણી કરતાં યુવકોનો વીડિયો વાયરલ થયો છે. યુવકો દ્વારા જાહેર રસ્તા પર વાહનોને અધરોધ ઊભો થાય તે રીતે સીનસપાટા કરવામાં આવ્યા હતા. વાયરલ વીડિયો વિરમગામ એપીએમસી માર્કેટયાર્ડ નજીકનો છે. જેમાં ઢોલ, આતશબાજી સાથે ટેબ્લો પર કેક કાપી રસ્તા પર યુવાનો ધમાચકડી મચાવતા હતા.
વિરમગામ પોલીસના રાત્રિ પેટ્રોલિંગ પર સવાલ
એટલીથી ન અટકતા યુવાનોએ રસ્તા પર જોખમી રીતે ફટાકડા ફોડ્યા હતા. જેના કારણે આસપાસના વિસ્તારમાં ભયનું વાતાવરણ ઊભું થયું હતું. વીડિયો વાયરલ થયા બાદ વિરમગામ પોલીસના રાત્રિ પેટ્રોલિંગ પર પણ સવાલ ઉઠી રહ્યા છે. 24 કલાક લોકોના સુરક્ષાની ડીંગો હાંકતી વિરમગામ પોલીસ વીડિયો વાયરલ થયા બાદ પણ મૂક પ્રેક્ષક બની ગઈ છે. જેથી અન્ય યુવાધન આ પ્રકારના સીનસપાટા કરવા પ્રેરાઈ રહ્યું છે! બીજી તરફ છાકટા બનેલા યુવાનોના વાલીઓ પર પણ લોકો ગંભીર પ્રશ્ન ઉઠાવી રહ્યા છે.
યોગ્ય કાર્યવાહી કરી દાખલો બેસાડે તેવી માંગ
રિલના ચક્કરમાં આજનું યુવાધન ક્યાં જઈ રહ્યું છે એ મોટો સવાલ છે! કારણ કે રસ્તા પર જોખમી રીતે ઉજવણી કરવી અન્ય નાગરિકો માટે ખતરા સમાન છે અને શાંતિ-સુરક્ષા વ્યવસ્થાનો ભંગ છે. વિરમગામના સ્થાનિકો હાલ પોલીસ યોગ્ય કાર્યવાહી કરી દાખલો બેસાડે તેવી માંગ કરી રહ્યા છે.
