વડોદરા, તા. 02
વડોદરા શહેરમાં તસ્કરો દિન-પ્રતિદિન ચોરીની ઘટનાને અંજામ આપી પોલીસ કામગીરી સામે પડકારો ફેંકી રહ્યા છે. તેવામાં વધુ એક ચોરીની ઘટનાને તસ્કરોએ અંજામ આપ્યો છે. શહેરના ભાયલી વાસણા રોડ ઉપર રાખેલા તસ્કરો પત્રકારના બંધ મકાનને નિશાન બનાવી રોકડ રૂપિયા તથા લેપટોપ સહિતની ચીજવસ્તુઓ મળી 57 હજારની મત્તા ચોરી ફરાર થઇ જવાનો બનાવ જે.પી.રોડ પોલીસ મથકે નોંધાયો છે.
અમદાવાદ ખાતે રહેતા 51 વર્ષીય ઓજસ મહેતા પત્રકારિતા સાથે સંકળાયેલા છે. વડોદરા શહેરના વાસણા ભાયલી રોડ ઉપર ઓજસ પાર્ક ખાતે આવેલું તેઓનું મકાન છેલ્લા પાંચ વર્ષથી બંધ હાલતમાં છે. પરંતુ રજાના દિવસે તેઓ વડોદરા ખાતે આવે છે. મકાનની સાફ-સફાઈ કરતા બહેને તેમને જણાવ્યું હતું કે, મકાનના બાથરૂમની બારીના કાચ કાઢી નીચે મૂકયા છે. અને રસોડાનો દરવાજો ખુલ્લો હોય ચોરી થયાનું અનુમાન છે. જેથી ઓજસભાઈ પરિવાર સાથે વડોદરા દોડી આવ્યા હતા. તપાસ કરતા મકાનમાં વેરણછેરણ પડ્યો હતો. અને બેડરૂમની તિજોરીમાંથી રોકડા રૂપિયા 30 હજાર, લેપટોપ, મોબાઇલ ફોન, મંદિરમાંથી ચાંદીનાં સિક્કા સહિત કુલ 57 હજારની ચોરી થઇ હોવાનું બહાર આવ્યું હતું.
