ડેરોલ યાર્ડમાં બ્લોકને કારણે આજે વડોદરા–દાહોદ મેમુ ટ્રેન રદ

ડેરોલ રેલ્વે સ્ટેશન યાર્ડ ખાતે આજે, 30 નવેમ્બર રવિવારે લેવામાં આવેલા બ્લોકને કારણે વડોદરા–દાહોદ વચ્ચે દોડતી મેમુ ટ્રેનની સેવા પર અસર પડી છે. 

રેલ્વે વિભાગે જણાવ્યું છે કે સ્ટેશન વિસ્તારમાં આવેલ જૂના ફુટ ઓવર બ્રિજને ડી-લૉન્ચ કરવાની મહત્વપૂર્ણ કામગીરી હાથ ધરવામાં આવી રહી છે. આ કામગીરીને સુરક્ષિત રીતે પૂર્ણ કરવા માટે ડેરોલ યાર્ડમાં સમયબદ્ધ બ્લોક લેવાયો છે. આ બ્લોકના સીધા પ્રભાવ સ્વરૂપે નં. 69117 વડોદરા–દાહોદ મેમુ ટ્રેનને વડોદરા અને ગોધરા સ્ટેશન વચ્ચે આંશિક રીતે રદ કરવી પડી છે. ફુટ ઓવર બ્રિજને હટાવવાનું કામ સલામતીની દ્રષ્ટિએ અત્યંત જરુરી હોવાથી આ બ્લોક જરૂરી બન્યો હતો. કામગીરી પૂર્ણ થતાં ટ્રેનોની નિયમિત અવરજવર પુનઃસ્થાપિત કરવામાં આવશે.