ધારીના ત્રંબકપુરમાં મહિલાના ચેઈનની ચીલઝડપ કરનારા બે બિહારી ઝડપાયા

કેમિકલ ચખાડી બેભાન જેવા બનાવી ચીલઝડપ કરતા હતા

અમરેલી જિલ્લા એલસીબી સ્ટાફે બન્ને આરોપીને પકડી સોનાનો ચેઈન તથા બાઈક વિગેરે મુદ્દામાલ કબજે લીધો 

અગાઉ બનેલા બનાવની વિગત એવી છે કે ધારી તાલુકાના ત્રંબકપુર ગામે વિવિધ લિકવીડ કેમિકલ વેચવાના બહાને બાઈક પર બેસીને બિહારના મહમદ શમશેર મહમદ ઇઝહાર શેખ અને  તેનો જોડીદાર મહમદ ઝીયા ઉલ મહમદ ગફુર ગયા હતા. આ બન્ને શખ્સોએ વિજ્યાબેન ટાંકના ઘરે જઈ સોના ચાંદીના દાગીના ચમકાવી દેવા અને વાસણને નવા જેવા ચમકતા કરી દેવા માટે કામ કરીએ છીએ એમ કહીને એના ઘરમાં રહેલો કળશો માગી ચમકાવી દીધો હતો. એ પછી એક પીળા કલરનું લિકવીડ કાઢીને આ લીંબું પાણી છે એમ કહીને ચાખવા આપતા વિજયાબેનને ચાખવા આપતા જ તેને જીભમાં સ્હેજ બળતરા થવા લાગી હતી. બાદમાં ચકકર આવવા લાગતા  એ જ વખતે આ બન્નેએ વિજયાબેને પહેરેલો  સોનાનો ચેઈનની ચીલઝડપ કરીને નાસી છુટયા હતા.