કાલુપુરની કાયાપલટને લઈને ત્રણ વર્ષ બંધ રહેશે આ રસ્તા, વાહન ચાલકો અને બસ મુસાફરો જાણી લો નવો રુટ

Kalupur Railway Station, Ahmedabad: અમદાવાદના કાલુપુર રેલવે સ્ટેશનની કાયાપલટ કરવામાં આવી રહી છે. જેના કારણે ઘણી ટ્રેનો તેમજ રેલવે સ્ટેશનની આસપાસના રસ્તા બંધ કરી ડાયવર્ઝનનો આદેશ આપવામાં આવ્યો છે. કાલુપુર રેલવે સ્ટેશનને અદ્યતન બનાવવા માટેની કામગીરી દરમિયાન શહેરીજનોને મુશ્કેલીનો સામનો ન કરવો પડે તે માટે 11 સપ્ટેમ્બરથી ડાયવર્ઝન આપવામાં આવ્યું છે. 

અમદાવાદ પોલીસ કમિશ્નર IPS જી. એસ. મલિકે જાહેરાત કરી કે, 'મને ગુજરાત પોલીસ અધિનિયમ 1951 ની પેટા કલમ 33 (1) (બી) (સી) અંતર્ગત મળેલી સત્તા અન્વયે અમદાવાદ શહેરમાં કાલુપુર રેલ્વે સ્ટેશનને તોડી તે જગ્યા ઉપર નવુ અદ્યત્તન રેલ્વે સ્ટેશન અને સંલગ્ન બ્રીજ બનાવવાની કામગીરી દરમિયાન ટ્રાફીક સુચારુ રીતે ચાલે અને ટ્રાફિકની કોઈ સમસ્યા ઉદ્ભવે નહીં તે હેતુસર નીચે મુજબનો રસ્તો બંધ/ડાયવર્ઝન કરવા હુકમ કરૂ છું.’

કયાં રસ્તા કરાયા બંધ?

11 તારીખથી સારંગપુર સર્કલથી કાલુપુર રેલવે સ્ટેશન સુધી 200 મીટરનો રેલવે સ્ટેશન તરફનો એક બાજુનો રસ્તો વાહનની અવર-જવર માટે બંધ કરવામાં આવ્યો છે અને તેથી તેની બીજી બાજુના રન-વે નો ઉપયોગ કરવાનો રહેશે.

વૈકલ્પિક માર્ગો

રેલવે સ્ટેશનની અંદર જવા માટે જૂનો એન્ટ્રી ગેટ મુસાફરો માટે શરૂ રાખવામાં આવ્યો છે. રેલવે સ્ટેશનના મુસાફરોએ બહાર નીકળવા માટે પશ્ચિમ બાજુએ સદર કંપની દ્વારા ફૂટ બ્રીજનો ઉપયોગ કરી શકશે. મુસાફરોએ મેઇન રોડ પર જવું હોય તો મુખ્ય માર્ગને જોડતો 30 ફૂટ નવો જે રોડ બનાવ્યો છે, તેનો ઉપયોગ કરી શકશે.

સારંગપુર સર્કલથી કાલુપુર રેલવે સ્ટેશન તેમજ કાલુપુર બાજુ જતા લોકો સારંગપુર ટ્રાફિક સર્કલથી સીંધી માર્કેટથી પાંચકુવા થઈને જમણી બાજુ રેલવે સ્ટેશન પહોંચી શકશે. જો કોઈ વ્યક્તિએ કાલુપુર જવું હોય તો તે મોતીમહેલ હોટલવાળા રસ્તાનો ઉપયોગ કરી શકશે.

કાલુપુરથી સારંગપુર, રાયપુર, કાંકરિયા, ગીતા મંદિર જવું હોય તો કાલુપુર રેલવે સ્ટેશનથી જે સિંગલ વન-વે ખુલ્લો રાખવામાં આવ્યો છે તેનો ઉપયોગ કરી શકશે.

ક્યાં સુધી રહેશે બંધ? 

પોલીસ કમિશ્નરના જાહેરનામા અનુસાર, 11 સપ્ટેમ્બર 2024 થી આ માર્ગ બંધ કરવામાં આવ્યો છે. જે તારીખ 10 સપ્ટેમ્બર 2027 સુધી બંધ રહેશે. લગભગ 3 વર્ષ સુધી શહેરીજનોને આ ડાયવર્ઝનનું પાલન કરવાનું રહેશે. 

કાલુપુરનો રસ્તો બંધ થતાં વાહન ચાલકો સાથે બસમાં મુસાફરી કરનાર લોકો માટે પણ ડાયવર્ઝન આપવામાં આવ્યું છે. ત્યારે બસમાં મુસાફરી કરનાર લોકો માટે ડાયવર્ઝનની વિગત નીચે મુજબ છે.

કાલુપુરથી પસાર થતી કઈ બસને થશે અસર?