ધંધુકા રાણપુર રોડ પર ટ્રક પાછળ બાઈક ઘૂસી જતા કિશોરનું મોત

- પોલીસે સ્થળ પર પહોંચી તપાસ હાથ ધરી

- 17 વર્ષીય સગીર બાઈક લઈને કોટડાથી ધંધુકા આવતા અકસ્માત સર્જાયો

ધંધૂકાના કોટડા ગામે રહેતો મેહુલ અનિલભાઈ સિહોર (ઉ.વ ૧૭) પોતાનું મોટરસાયકલ નંબર જીજે-૩૮-એએલ-૩૬૩૬ લઈને કોટડા ગામેથી ધંધુકા તરફ આવી રહ્યો હતો. તે દરમિયાન ધંધુકા-રાણપુર રોડ પર આવેલી હોટલ નજીક પાર્ક કરાયેલ ટ્રક નંબર જીજે-૧૨-બીવાય-૫૫૨૯ની પાછળ ઘૂસી જતા અકસ્માત સર્જાયો હતો. જેમાં કિશોરને ગંભીર ઇજા થતા તેનું સ્થળે મોત નિપજ્યું હતું.આ ઘટનાની જાણ થતાની સાથે જ ધંધુકા પોલીસ સ્થળ પર દોડી આવી મૃતદેહને પીએમ અર્થે ખસેડી ફરિયાદ નોંધાવાની તજવીજ હાથ ધરી છે.