બાળ તસ્કરીની આશંકા: બિહારથી ટ્રેનમાં આવેલા 18 બાળકોનું રેસ્ક્યુ કરાયું

બિહારના કટિયા જિલ્લામાંથી મુંબઇ સ્પેશિયલ ટ્રેનમાં આવેલા 18 બાળકોનું રેસ્ક્યુ ગઈકાલે રાત્રે પોલીસ, આરપીએફ અને ચાઈલ્ડ વેલફેર સંસ્થાએ કર્યું હતું. રેસ્ક્યુ કરાયેલા બાળકોમાં 18માંથી 11 સગીર છે. બાળ તસ્કરીની આશંકાને લઈ પોલીસે પૂછપરછ શરૂ કરી છે.

નાની ઉંમરના બાળકો ક્યાં જતા હતા?, તેઓ પોતાના સગા-સંબંધી પાસે એકલા આવતા હતા?, આ બાળ તસ્કરીનું રેકેટ છે કે કેમ? તે દિશામાં રેલવે પોલીસે વધુ તપાસ હાથ ધરી છે. રેસ્ક્યુ કરાયેલા બાળકો સહિત તમામ લોકો કોઈ બાળ તસ્કરી ટોળકીનો શિકાર બન્યા છે કે કેમ? તેની પણ ઊંડાણપૂર્વક તપાસ હાથ ધરવામાં આવી છે. 

જીઆરપી વડોદરા ડિવિઝનના ડીવાયએસપી જી. એસ. બારિયાએ જણાવ્યું હતું કે, બિહારના કટિયા જિલ્લામાંથી મુંબઈ સ્પેશિયલ ટ્રેન આવેલી હતી, જેમાં ચાઇલ્ડ વેલ્ડર સંસ્થાને બાતમી મળી હતી કે, 18 બાળકોની તસ્કરી કરવામાં આવી છે. જેના આધારે વડોદરા રેલવે પોલીસે, બાળ તસ્કરી અને RPF સાથે મળી 18 બાળકનું રેસ્ક્યુ કાાયું છે. 18 પૈકી 7 બાળકો 18 વર્ષથી ઉપરના છે અને 11 બાળકો 18 વર્ષથી ઓછી ઉંમરના છે.

બાળકોનું કહેવું છે કે, અમારા સબંધીઓ સંબંધીઓ સુરત રહે છે અને અલગ-અલગ સ્થળે ધંધો-મજૂરી કરતા હોવાથી તેમને અહીં બોલાવ્યા છે.