ખેડા જિલ્લામાં કોરોનાના નવા સાત પોઝિટિવ કેસ બહાર આવ્યા

- ઓમિક્રોન વેરિઅન્ટના તમામ દર્દી સાજા થતાં રાહત

- નડિયાદ શહેર-તાલુકાના ચાર પુરૂષો અને ત્રણ મહિલાઓ કોરોનામાં સપડાઇ

નડિયાદ : ખેડા જિલ્લામાં બે દિવસથી ઓમિક્રોનની સાથે કોરોનાએ પણ ઉથલો મારતા કેસોમાં રોકેટ ગતિએ વધારો થઇ રહ્યો છે ત્યારે ગુરૂવારે જિલ્લામાં કોરોનાના નવા સાત કેસ નોંધાયા છે અને ઓમિક્રોનના તમામ દર્દી સાજા થતાં આરોગ્ય વિભાગને હાશકારો થયો છે. 

ગત રોજ જિલ્લામાં કોરોનાના એક સાથે ૨૪ કેસ નોંધાતા લોકોમાં ફફડાટ વ્યાપ્યો હતો ત્યારે ખેડા જિલ્લામાં આજે કોરોનાના વધુ સાત કેસ નોંધાયા છે. જેમાં અલીન્દ્રામાં ૫૦ વર્ષનો પુરૂષ, ૩૭ વર્ષીય મહિલા (રહે.નડિયાદ વૈભવ ટેનામેન્ટ), ૭૪ વર્ષી પુરૂષ (રહે. લક્ષ્મીવિલા સોસાયટી,નડિયાદ), વડતાલમાં ૭૩ વર્ષી પુરૂષ, વાણિયાવાડ નડિયાદમાં ૬૦ વર્ષીય મહિલા તેમજ ૬૪ વર્ષના પુરૂષ અને અન્ય એક કેસ મળી ચાર પુરૂષ અને ત્રણ મહિલા કોરોનામાં સપડાઇ છે.  આજ સુધીના કુલ પોઝિટિવ કેસનો આંકડો ૧૦,૫૧૪ થયો છે. આજે ૧,૬૦૭ સેમ્પલ લેવાયા હતા જે તમામના રિઝલટ પેન્ડિંગ છે, જ્યારે ૪૬૬૯ લોકોએ રસી લીધી છે. આ સાથે જિલ્લામાં કુલ ૩૦,૨૬,૨૯૨ લોકોએ રસી લીધી છે. જિલ્લામાં ૪૦ એક્ટિવ કેસ પૈકી નડિયાદ સિવિલ હોસ્પિટલમાં છ જ્યારે ૩૪ હોમ આઈસોલેશન હેઠળ સારવાર હેઠળ છે.