જામનગર મહાનગર પાલિકાની ચૂંટણી દરમિયાન શહેરમાં મતદાનને લઈને ઉત્સાહપૂર્ણ માહોલ વચ્ચે યુવાનોમાં ખાસ કરીને સેલ્ફી લેવાનો ક્રેઝ જોવા મળ્યો છે. શહેરના વિવિધ મતદાન મથકો પર યુવા મતદારો મતદાન કરવા માટે ઉમટી પડ્યા હતા.
મતદાન કર્યા બાદ અનેક યુવાનો અને યુવતીઓએ પોતાના મોબાઈલ ફોન દ્વારા સેલ્ફી લઈ તેને સોશિયલ મીડિયા પર શેર કરતા જોવા મળ્યા હતા. કેટલાક યુવાનો તો પોતાના મોબાઈલના ડીપીમાં મુકવા માટે પણ આ સેલ્ફી મૂકીને અન્ય લોકોને મતદાન કરવા માટે પ્રેરણા આપી રહ્યા છે.
યુવા વર્ગમાં લોકશાહી પ્રત્યે વધતો રસ અને જાગૃતિ આ દૃશ્યોમાં સ્પષ્ટ જોવા મળી રહી છે. પ્રથમ વખત મતદાન કરતા યુવાનોમાં ખાસ ઉત્સાહ જોવા મળ્યો હતો અને તેઓએ મતદાનને એક ઉત્સવની જેમ ઉજવ્યો હતો.
આ રીતે યુવાનો દ્વારા સોશિયલ મીડિયા મારફતે મતદાન માટે જાગૃતિ ફેલાવવાનો પ્રયાસ કરવામાં આવી રહ્યો છે, જે લોકશાહી માટે સકારાત્મક સંકેત છે. જામનગર શહેરમાં આજના દિવસે મતદાન શાંતિપૂર્ણ રીતે અને ઉત્સાહભેર યોજાયું છે.
