Vadodara : વડોદરા શહેરમાં મોટાભાગના રોડ રસ્તા જુદા જુદા કારણોસર ખોદી નાખ્યા હતા. જ્યારે હવે મોટાભાગની તમામ સ્કૂલોમાં બાળકોની વાર્ષિક પરીક્ષા આજથી શરૂ થઈ રહી છે ત્યારે આવી કામગીરીથી બાળકોના વાલીઓ તથા સ્કૂલ વાન, સ્કૂલની ઓટોરિક્ષા ચાલકોને ભારે હેરાનગતિ થશે. તંત્ર દ્વારા શહેરના છેવાડે ગોલ્ડન જંકશન, આજવા જંકશન, કપુરાઈ જંકશન, વાઘોડિયા જંકશન અને તરસાલી જંકશન પર નવી વરસાદી ગટર (બોક્સ કન્વર્ટર) આજથી આગામી 15થી 20 દિવસ સુધી તમામ પ્રકારના વાહન વ્યવહાર તેમજ અવરજવર માટે કામગીરી પૂર્ણ થતા સુધી આ રસ્તા બંધ રહેશે. જેના વિકલ્પે અન્ય રસ્તાઓ નો ઉપયોગ કરવા જણાવ્યું હતું.
ઉલ્લેખનીય છે કે છેલ્લા કેટલાય મહિનાઓથી શહેરના વિવિધ રોડ રસ્તાઓ જુદી જુદી કામગીરી અંગે તંત્ર દ્વારા ખોદી નાખવામાં આવ્યા છે. આ રોડ રસ્તાના ખાડાઓ હજી પણ જેમના તેમ છે. અવારનવાર નાના મોટા અકસ્માતો થાય છે. છતાં પણ કામગીરી મંથરગતિએ ચાલતી હોવાના વારંવાર આક્ષેપો થઈ રહ્યા છે ત્યારે, હવે પાલિકા તંત્ર દ્વારા શહેરના છેવાડે આવેલા ગોલ્ડન જંકશન, આજવા જંકશન, વાઘોડિયા જંકશન, અને તરસાલી જંકશન ખાતે નવી વરસાદી ગટર (બોક્સ ક્લવર્ટર) નાખવા માટે કોન્ટ્રાક્ટર દ્વારા જે તે જગ્યાએ હેવી મશીનરી, કામદારોની હેરફેર સહિતના અન્ય કામકાજ અંગે આ રોડ રસ્તા પૈકી બાકી રહેલા ગોલ્ડન જંકશન ખાતે આજે તા. 7થી આગામી 15થી 20 દિવસ સુધી તમામ પ્રકારના વાહન વ્યવહાર માટે કામ પૂરું થતાં સુધી સંપૂર્ણપણે બંધ રહેશે. પરંતુ વાહન ચાલકોને અન્ય વૈકલ્પિક રસ્તાઓનો ઉપયોગ કરવા પાલિકા તંત્ર દ્વારા જણાવ્યું હતું. ઉલ્લેખનીય છે કે હાલમાં પાલિકા દ્વારા સફળતાપૂર્વક વાઘોડિયા જંકશન, કપુરાઈ જંકશન તથા તરસાલી જંકશન ખાતે માલ સામાનની કામગીરી પૂરી કરાઇ છે, બાકી રહેલા ગોલ્ડન જંકશન ખાતે એવી મશીનરી મજૂરો, કારીગરોની હેરફેર માટે આ જંકશન ઉપર વૈકલ્પિક રૂટમાં વાહન વ્યવહાર ડાયવર્ટ કરવામાં આવ્યો હતો. જોકે આ તમામ રૂટ પૈકી ગોલ્ડન ચોકડી જંકશન ખાતે જરૂરી કામગીરી અંગે નિયત સમય દરમિયાન રોડ રસ્તા બંધ રહેશે તેની નોંધ લેવા જણાવ્યું હતું.
