જામકંડોરણામાં કટિંગ વખતે દરોડો, રૂા. 46 લાખનો અંગ્રેજી દારૂ કબજે

ધોરાજીના વેગડી ગામના બે મુખ્ય સૂત્રધારો ફરાર

સ્થળ પર કારમાં દારૂ ભરવા આવેલા ચાર શખ્સોની ધરપકડ, કુલ રૂા. 86 લાખનો મુદ્દામાલ કબજે

એલસીબીએ ચોક્કસ બાતમીના આધારે દરોડો પાડી સ્થળ પરથી જુદી-જુદી બ્રાન્ડની અંગ્રેજી દારૂની ૩૭૨૦ બોટલ કબજે કરી હતી. સ્થળ પરથી જૂનાગઢના પંચેશ્વરમાં રહેતા સામત ભીમાભાઈ કરમટા, હીરાભાઈ જીવાભાઈ મોરી, રાજુ ડાયાભાઈ સિંઘલ અને ધોરાજીના વેગડી ગામે રહેતા કારૂ ધીરુભાઈ ગોહેલને ઝડપી લીધા હતાં.

સ્થળ પરથી બે ક્રેટા કાર, એક વેન્યુ અને એક કિયા કાર કબજે કરી હતી. દારૂ, વાહનો, મોબાઇલ સહિત કુલ રૂા. ૮૬.૫૫ લાખનો મુદ્દામાલ કબજે કર્યો હતો. ઝડપાયેલા આરોપીઓની પૂછપરછમાં દારૂ મંગાવનાર તરીકે ધોરાજીના વેગડી ગામના રાજુ પોલાભાઇ કોડીયાતર અને ભાવેશ ભોજાભાઈ કોડીયાતરના નામ ખૂલ્યા હતાં. 

એલસીબીએ આ બંનેને વોન્ટેડ દર્શાવ્યા છે. ઝડપાયેલા આરોપીઓ સ્થળ પરથી મળેલી કારમાં દારૂનો જથ્થો ભરવા આવ્યા હતાં. દારૂનો જથ્થો કયાથી મંગાવાયો તે બંને સૂત્રધારો ઝડપાયા પછી બહાર આવશે.