દિવાળીપુરા કોર્ટ સામે હાઇબ્રિડ ગાંજાના સપ્લયારને પોલીસે ઝડપી પાડયો

વડોદરાઃ માંજલપુર વિસ્તારમાં ગાંજા સાથે પકડાયેલા યુવકને હાઇબ્રિડ ગાંજો સપ્લાય કરનાર યુવકને પોલીસે ઝડપી પાડી તેની સાથે સંકળાયેલા લોકોની તપાસ હાથ ધરી છે.

પોલીસના જણાવ્યા પ્રમાણે,ગઇ તા.૨૯મી મે એ માંજલપુરના સરસ્વતી કોમ્પ્લેક્સ પાસે કારમાં જતા વૃન્દ રાકેશ શાહ(પટેલ વાડી સામે,માંજલપુર) નામના યુવક પાસેથી રૃ.૭૩ હજારની કિંમતનો ૨૧ ગ્રામ હાઇબ્રિડ ગાંજો પકડાયો હતો.

આરોપીની પૂછપરછ દરમિયાન ગાંજાનો જથ્થો પ્રીત હેમંતકુમાર પટેલ(જલારામ કોમ્પ્લેક્સ, જલારામ મંદિર પાસે,સુભાનપુરા) નામના યુવક પાસેથી લીધો હોવાની વિગતો બહાર આવતાં પોલીસે તેની વોચ રાખી દિવાળીપુરા કોર્ટ પાસેથી ઝડપી પાડયો છે.

પ્રીત કોની પાસેથી અને કેટલા સમયથી ગાંજો મેળવતો હતો,કોને કોને સપ્લાય કરતો હતો જેવી બાબતોની તપાસ માટે પોલીસે તેને રિમાન્ડ પર લેવાની તજવીજ હાથ ધરી છે.નોંધનીય છે કે,છેલ્લા એક મહિનામાં વડોદરા એસઓજીએ ગાંજાના મધ્યપ્રદેશના ત્રણ સપ્લાયરને ઝડપી પાડયા હતા.