NHSRCL એ વડોદરા પ્લેટફોર્મ નં.7 માટે રૂ.14.56 કરોડનું ટેન્ડર જાહેર કર્યું

Vadodara : નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ વડોદરા રેલવે સ્ટેશન પર નવા પ્લેટફોર્મ નં.7ના સિવિલ બાંધકામ માટે રૂ.14.56 કરોડના અંદાજિત મૂલ્ય સાથે ટેન્ડર બહાર પાડ્યું છે.

નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ વડોદરા રેલવે સ્ટેશન પર નવા પ્લેટફોર્મ નં. 7ના સિવિલ બાંધકામ માટે ટેન્ડર બહાર પાડ્યું છે. આ પ્લેટફોર્મ ઉપર નિર્માણ પામી રહેલા બુલેટ ટ્રેન સ્ટેશન સાથે સીધું જોડાણ કરશે.

વડોદરા જંક્શન ખાતે પ્લેટફોર્મ નં.7 હાઈ સ્પીડ રેલ (HSR) પ્રોજેક્ટની સુધારેલી એલાઈનમેન્ટ ડિઝાઈનના ભાગ રૂપે તોડી પાડવામાં આવ્યું હતું. આ નવી ડિઝાઈનથી પ્રોજેક્ટના કુલ બજેટમાંથી આશરે રૂ.2,000 કરોડની બચત થઈ છે.

નવું પ્લેટફોર્મ નં. 7 પરથી મુસાફરો ટ્રેનો અને બુલેટ ટ્રેન વચ્ચે સરળતાથી અવર-જવર કરી શકે તે પ્રકારે રહેશે. ટૂંકમાં, આ પ્લેટફોર્મ સામાન્ય રેલવેથી બુલેટ ટ્રેન સુધીના સફરનો "પ્રવેશદ્વાર" બનશે.

આ પ્રોજેક્ટ ભારતના પ્રથમ બુલેટ ટ્રેન કોરિડોર-મુંબઈ-અમદાવાદ હાઈ સ્પીડ રેલ પ્રોજેક્ટ-નો મહત્વનો હિસ્સો છે, અને વડોદરા સ્ટેશન આ માર્ગ પરનું એક મુખ્ય સ્ટેશન બનશે.

અંદાજિત ટેન્ડર મૂલ્ય રૂ.14.56 કરોડ અને કામની સમય મર્યાદા  546 દિવસ રહેશે.