માણસાના રીઢા બુટલેગરને પાસા હેઠળ ભુજની જેલમાં ધકેલી દેવાયો

દારૃની હેરાફરી, પ્રોહિબિશનના કેસ સહિતની ગુનાહિત પ્રવૃત્તિમાં સંડોવાયેલાં બુટલેગરને પાસા

    માણસા શહેરમાં પશુ દવાખાના પાસે રહેતો જીગ્નેશ જયંતીભાઈ રાવળ પોતાના રહેણાંકના મકાનમાં વિદેશી દારૃ અને બિયરનો જથ્થો સંગ્રહ કરી વેચાણ કરતો હોવાની બાતમી આધારે માણસા પોલીસે ગત જાન્યુઆરી મહિનામાં તેના ઘરમાંથી ૧૦.૩૨ લાખનો વિદેશી દારૃનો જથ્થો ઝડપી તેના વિરુદ્ધ ગુનો દાખલ કર્યા હતો અને આ ઈસમ અવાર નવાર ગેરકાયદેસર રીતે વિદેશી દારૃ અંગેની ગુનાહિત પ્રવૃત્તિ કરવા ટેવાયેલો હોય તેના વિરુદ્ધ પાસાની દરખાસ્ત તૈયાર કરવામાં આવી હતી જેથી જિલ્લા પોલીસ વડાના માણસા તાલુકામાં વિદેશી દારૃ ની ગેરકાયદેસર પ્રવૃત્તિ કરનાર તત્વો વિરુદ્ધ કડક કાર્યવાહી કરવાના આદેશ મુજબ માણસા પોલીસે વિદેશી દારૃનાના ગુનામાં સંડોવાયેલા અને ગેરકાયદેસર પ્રવૃત્તિ કરવાની ટેવ વાળા માણસાના જીગ્નેશ રાવળ વિરુદ્ધ પાસાની દરખાસ્ત તૈયાર કરી જિલ્લા મેજિસ્ટ્રેટ ને મોકલી હતી જે મંજુર થઈને આવતા માણસા પોલીસે આરોપીને ઝડપી ભુજ કચ્છ પાલારા ખાતેની મધ્યસ્થ જેલમાં મોકલી આપ્યો હતો.