વિદેશી દારૂ-બિયર ભરેલી કાર સાથે સિહોરનો શખ્સ ઝડપાયો

સિહોરના લીલાપીર વિસ્તારમાંથી

સિહોર પોલીસે 114 બોટલ અને ટીન મળી કુલ રૂ. 3.65 લાખનો મુદ્દામાલ કબ્જે કર્યો

સિહોરના સાગવાડીમાં રહેતા હાર્દિક દિનેશભાઈ મકવાણા જીજે-૦૪-ઈએ-૩૬૮૩ નંબરની કારમાં વિદેશી દારૂ ભરીને સાગવાડીથી સિહોર તરફ આવતો હોવાની બાતમીના આધારે સિહોર પોલીસે લીલાપીર વિસ્તાર વળાંકમાં વોચમાં રહી બાતમીવાળી કારમાં હાર્દિક દિનેશભાઈ મકવાણા આવતા કારને અટકાવી તપાસ કરતા કારની પાછળની ડિકીમાં કાળા કલરના ઝબલામાં રૂ.૬૪,૧૦૦ની કિંમતની ભારતીય બનાવટની વિદેશી દારૂ ૧૧૪ બોટલ અને બિયરના ટીન મળી કાર સહિત કુલ રૂ.૩,૬૫,૧૦૦ના મુદ્દામાલ સાથે હાર્દિક દિનેશભાઈ મકવાણાને ઝડપી લઈ સિહોર પોલીસ મથકમાં ગુનો નોંધી આગળની કાર્યવાહી હાથ ધરી છે.