વડોદરામાં કારતકમાં અષાઢી માહોલ : સવારે ઠંડા પવનો સાથે ધોધમાર વરસાદ

વડોદરા શહેર તેમજ જિલ્લામાં દિવાળી બાદ અચાનક વાતાવરણમાં પલટો આવ્યો હતો. કારતક માસમાં પણ અષાઢી માહોલ હોય તેમ વાદળો ઘેરાયા બાદ આજે સવારના વરસાદે ધમાકેદાર પુનરાગમન કર્યું હતું. 

ઉલ્લેખનીય છે કે હવામાન ખાતાની આગાહી મુજબ વડોદરા સહિત મધ્ય ગુજરાતમાં આગામી ત્રણ દિવસ મેઘરાજાની શક્યતા છે, જેના ગલે ગઈકાલથી જ વાતાવરણ બદલાયું હતું અને આજે સવારે ઠંડા પવનો સાથે શરૂઆતમાં ધીમીધારે અને બાદમાં ધોધમાર વરસાદ વરસ્યો હતો. આ વરસાદના પગલે વાતાવરણમાં ઠંડક પ્રસરી હતી. જો કે તેની સાથે ઉકડાટ પણ યથાવત રહ્યો છે. સૂત્રોના જણાવ્યા મુજબ આજે 11:00 વાગે વડોદરા શહેરમાં મહત્તમ તાપમાન 34 ડિગ્રી તેમજ ન્યૂનત્તમ તાપમાન 24 ડિગ્રી નોંધાયુ છે.