Gujarat Traffic Violations: ગુજરાતના શહેરોમાં વાહન ચાલકો પાસેથી ટ્રાફિક નિયમોના ભંગ બદલ ટ્રાફિક પોલીસ દ્વારા નક્કી કરાયેલા જુદા જુદા દંડની વસૂલાત કરાતી હોય છે. ત્યારે 17 વર્ષમાં વાહનચાલકોએ ટ્રાફિક નિયમ ભંગ બદલ 1400 કરોડ રૂપિયાથી વધુનો દંડ ભર્યો છે. કેગના તાજેતરના રિપોર્ટ મુજબ દંડની રકમ માર્ગ સુરક્ષા નિધિ ફંડમાં જમા કે હસ્તાંતરિત કરવાના ઠરાવ બાદ વસૂલાયેલા ટ્રાફિક દંડ અને વ્યક્તિગત થાપણ ખાતાની રકમ વચ્ચે 16 ટકાની ઘટ ધ્યાને આવી છે.
કેમ ઓછી દંડ આવક થઈ તે મહત્ત્વનું છે
ભારત સરકારના કમ્પ્ટ્રોલર ઓફ ઓડિટર જનરલ (CAG)ના તાજેતરના 2024-25ના રાજ્યની નાણાકીય સ્થિતિના રિપોર્ટમાં જણાવ્યા મુજબ 2006-07થી 2024-25ના કુલ 19 વર્ષ દરમિયાન સરકારના 1614.02 કરોડના બજેટ અંદાજ સામે 1474.98 કરોડનો ટ્રાફિક દંડ વસૂલાયો હતો. જ્યારે 2007થી 2025 સુધીના 17 વર્ષમાં 1400 કરોડ રૂપિયાથી વધુનો દંડ પહેલા 2007-08માં 8 કરોડ રૂપિયાના અંદાજ સામે 0.02 કરોડ રૂપિયા અને 2008-09માં 4 કરોડ રૂપિયાના અંદાજ સામે 0.04 કરોડ રૂપિયા દંડ જ વસૂલાયો હતો. જ્યારે આ બે વર્ષો પહેલા 2006-07માં 6 કરોડ રૂપિયાના અંદાજ સામે 4.23 કરોડ રૂપિયા વસૂલાયો હતો. આમ ત્યારપછીના બે વર્ષમાં અંદાજ સામે નહીંવત્ કહી શકાય તેટલો જ કેમ દંડ વસૂલાયો કે કેમ ઓછી દંડ આવક થઈ તે મહત્ત્વનું છે.
આ પણ વાંચો: ગુજરાતમાં કમોસમી વરસાદની આગાહી, જાણો કયા જિલ્લામાં વીજળીના કડાકા સાથે માવઠું પડશે?
કેગના રિપોર્ટમાં જણાવ્યા મુજબ રાજ્ય સરકારે પહેલી જુલાઈ 2000ના રોજ ઠરાવ કર્યો હતો કે શહેરી વિસ્તારમાંથી પ્રાપ્ત થતી દંડની આવકનો ચોક્કસ ટકાવારી હિસ્સો ગુજરાત રાજ્ય માર્ગ સુરક્ષા નિધિમાં જમા કરવામાં આવશે. જેના દ્વારા ટ્રાફિક વ્યવસ્થાપન વધુ સારું કરી શકાય. ત્યારબાદ સુરક્ષા નિધિના સુચારુ સંચાલન માટે માર્ચ 2004માં ડિરેક્ટર જનરલ અને ઇન્સ્પેક્ટર જનરલ ઓફ પોલીસ-ગાંધીનગરના નામે વ્યક્તિગત થાપણ ખાતુ (PLA) ખોલવામાં આવ્યું હતું. જુલાઈ 2006માં સરકારે વધુ સારા વહીવટ માટે વ્યક્તિગત થાપણ ખાતામાં 100 ટકા દંડ રકમ હસ્તાંતરિત કરવાનો નિર્ણય લીધો હતો.
પરંતુ વર્ષ 2006-07થી 2024-25ના બજેટ અંદાજો અને વિનિયોગ હિસાબોની તપાસમાં વસૂલાયેલા ટ્રાફિક દંડ અને PLAમાં હસ્તાંતરિત રકમ વચ્ચે 16 ટકાની ઘટ ધ્યાને આવી હતી. કેગ રિપોર્ટ મુજબ PLA માટે ઉપરોક્ત વર્ષોમાં 1186.06 કરોડ રૂપિયાના અંદાજપત્રીય અંદાજ સામે 1246.21 કરોડ રૂપિયા વસૂલાત હતી અને જેમાંથી ટકાવારી મુજબ 84.48 કરોડ રૂપિયા હતા. 87.91 કરોડ રૂપિયાની રકમ હસ્તાંતરણ માટે બાકી છે.
