ગુજરાતનાં ધારાસભ્યોને માત્ર રૂ. 37ના ભાડામાં મળશે લક્ઝુરિયસ ફ્લેટ, 5 સ્ટાર હોટલ જેવી સુવિધાઓ

Gujarat News: નવા મંત્રીમંડળના પુન:ગઠન બાદ પાટનગર ગાંધીનગરમાં ધારાસભ્યો માટે નવા આવાસ ખુલ્લા મૂકવા તૈયારીઓ કરાઈ છે. 220 કરોડના ખર્ચે મોર્ડન અને લક્ઝુરિયસ ફલેટ્ તૈયાર કરાયા છે. સંભવિત 23 ઑક્ટોબરે કેન્દ્રીય ગૃહમંત્રી અમિત શાહના હસ્તે મોર્ડન ફ્લેટ ખુલ્લા મૂકાય તેવી શક્યતા છે. દિવાળી બાદ ધારાસભ્યો નવા ફ્લેટમાં રહેવા જશે. આ જોતાં ધારાસભ્યોની દિવાળી સુધરી છે.

ધારાસભ્ચોને મળશે નવા ઘર

પાટનગર ગાંધીનગરમાં સદસ્ય આવાસ જર્જરીત બન્યા છે જેના પગલે સેક્ટર 17 ખાતે ધારાસભ્યો માટે લકઝુરિયસ ફ્લેટ બનાવવામાં આવ્યા છે. અહીં 9 માળના 12 ટાવરનું નિર્માણ કરાયું છે જેમાં કુલ મળીને 216 ફ્લેટ તૈયાર કરાયા છે.

આ પણ વાંચોઃ સલામત ગણાતા બાયોમેટ્રિક બેન્ક એકાઉન્ટ્સને ભેદીને સાયબર ફ્રોડ, કચ્છમાં અડધા ડઝનથી વધુ કેસ

ધારાસભ્યો માટે આકાર પામેલા 126 લકઝુરિયસ ફ્લેટમાં બે માસ્ટર રુમ, લિવિંગ રૂમ, બે બેડરૂમ, રસોડું, ડાઇનિંગ એરિયા, વેઇટીંગ એરિયા ઉપરાંત નાની ઑફિસની સુવિધા છે. પ્રત્યેક ફલેટમાં કર્મચારીના રૂમની પણ વ્યવસ્થા કરવામાં આવી છે. આ લકઝુરિયસ ફલેટમાં માસ્ટર, લિવિંગ રૂમ, બેડરુમમાં એસસી ઉપરાંત 43 ઇંચનું એલઈડી ટીવી ટેબલ નેટવર્ક સાથે ગોઠવવામાં આવ્યું છે. સાથે સાથે ફ્રીજ, ગેસ ગીઝર અને ઈલેક્ટ્રિક ગીઝરની પણ સુવિધાઓ અપાઈ છે. નવા સદસ્ય નિવાસ સંકુલમાં બે લેન્ડ સ્કેપ ગાર્ડન, પ્લે એરિયા, એક ઓડિટોરિયમ, હેલ્થ ક્લબ, કેન્ટિન સહિતની સુવિધાઓ ઉપ્લબ્ધ કરાવાઈ છે. દરેક નવ માળના બિલ્ડિંગમાં બે લિફ્ટની સુવિધા હશે. આ ઉપરાંત એન્ટ્રી-એક્ઝીટ માટે ચાર દરવાજા હશે. 

ધારાસભ્યોના નવા આવાસમાં શું સુવિધા હશે?

• 28576 મીટર વિસ્તારમાં નવા આવાસ તૈયાર કરાયા છે.
• એક ફ્લેટમાં 204 ચોરસ મીટરની જગ્યા મળશે.
• 3 બેડરૂમ, રસોડું, ડાઇનિંગ એરિયા, ઑફિસ રૂમ, વેઇટિંગ રૂમ, બાલકની, ડ્રેસિંગ રૂમ, 3 અટેચ બાથરૂમ અને ટોઇલેટ, 1 કોમન બાથરૂમ અને ટોઇલેટ, 1 સર્વન્ટ રૂમ.
• નવા આવાસસ્થાન પર ગાર્ડન, મલ્ટિપર્પઝ હોલ, કોમ્યુનિટી હોલ, સ્વિમિંગ પૂલ સહિતની સુવિધાઓ સાથે ઘરમાં 3 સ્પ્લિટ એસી લગાવવમાં આવશે. લિવિંગ રૂમ અને બેડરૂમમાં 43-43 ઇંચના એલઈડી ટીવી, રેફ્રિજરેટર અને એસી પ્લાન્ટ મૂકવામાં આવશે. બાથરૂમમાં ગરમ પાણી માટે ઈલેક્ટ્રિક ગીઝરની પણ સુવિધા આપવામાં આવશે.

આ પણ વાંચોઃ વર્ષ દરમિયાનના મૃતકોને મનગમતી વાનગીના નૈવેદ્ય ધરાવવાની પરંપરા આજે પણ યથાવત

દૂધની થેલી કરતાં પણ ઓછું ભાડું !

આ તમામ સગવડો સાથેનો ફૂલ ફર્નિશ્ડ આધુનિક ફ્લેટમાં રહેવા માટે સરકાર ધારાસભ્યોને માત્ર મહિને 37.50 રૂપિયાના ભાડે આપશે. એટલેકે એક દિવસનું સવા રૂપિયો ભાડું સરકાર વસૂલશે. આમ, દૂધની એક થેલી કરતાં પણ એમએલએ ક્વાર્ટરનું મહિનાનું ભાડું ઓછું હશે.