દાણીલીમડા MD ડ્રગ્સ કેસ: UPના રામપુરના ખેતરમાં ચાલતી ડ્રગ્સ લેબોરેટરીનો ગુજરાત ATSએ કર્યો પર્દાફાશ, 2ની ધરપકડ
Summarized by AI; it may make mistakes. Check important info
Summarized by AI; it may make mistakes. Check important info
Gujarat ATS Busts Illegal Drug Lab In UP : ગુજરાત ATS દ્વારા ઉત્તરપ્રદેશના રામપુર ગામની હદમાં આવેલા એક ખેતરમાં ચાલતી ડ્રગ્સ લેબોરેટરી ઝડપી પાડવામાં આવી છે. આ મામલે સોહિલ મિર્ઝા અને ફરહાદ પઠાણ નામના બે શખસની ધરપકડ કરવામાં આવી છે. આરોપીઓએ અંતરિયાળ વિસ્તારમાં ત્રણ નાના ટેન્ટ બનાવી તેને 'પોલ્ટ્રી ફાર્મ' તરીકે ઓળખ આપી હતી જેથી કોઈને શંકા ન જાય અને તેની આડમાં તેઓ ડ્રગ્સ બનાવવાનું નેટવર્ક ચલાવતા હતા.
UPના રામપુરના ખેતરમાં ચાલતી ડ્રગ્સ લેબોરેટરીનો ગુજરાત ATSએ કર્યો પર્દાફાશ
આ દરોડા દરમિયાન ઘટનાસ્થળેથી 6 કિલો તૈયાર MD ડ્રગ્સ અને 50 કિલો જેટલું લિક્વિડ મળી આવ્યું છે. તપાસમાં બહાર આવ્યું છે કે, આ લેબોરેટરીમાં અંદાજે 30થી 35 કિલો જેટલું MD ડ્રગ્સ બનાવવાની ક્ષમતા હતી અને તે છેલ્લા ત્રણ-ચાર મહિનાથી કાર્યરત હતી. આરોપી સોહિલ મિર્ઝાએ અગાઉ પંકજ અને કપિલ નામના શખસોને 300 ગ્રામ ડ્રગ્સનો જથ્થો આપ્યો હોવાનું પણ ખુલ્યું છે. હાલમાં કોર્ટે આરોપીઓના 12 દિવસના રિમાન્ડ મંજૂર કર્યા છે અને વધુ તપાસ ચાલુ છે.
ગુજરાત ATSના DIGએ જણાવ્યું કે, 'ગત 1 માર્ચના રોજ અમદાવાદમાં શકાત અહેમદ ફારૂકી પાસેથી 4.6 ગ્રામ એમડી ડ્રગ્સ ઝડપાયા બાદ, તેની પૂછપરછમાં દાણીલીમડાના સોહિલ મિર્ઝા અને ફરહાન પઠાણના નામ ખુલ્યા હતા. આ આરોપીઓના રિમાન્ડ દરમિયાન મળેલી માહિતી મુજબ, પંકજ અને કપિલ નામના શખસોએ તેમને MD ડ્રગ્સનો જથ્થો પૂરો પાડ્યો હતો. અમારી ટીમે ખાનગી અને એન્ક્રિપ્ટેડ એપ્લિકેશનના ઉપયોગ છતાં આ બંનેના લોકેશન ઉત્તર પ્રદેશમાં ટ્રેક કર્યા હતા, જ્યાં તેઓ ખેતરોમાં પોલ્ટ્રી ફાર્મના ઓઠા હેઠળ શંકાસ્પદ પ્રવૃત્તિ કરી રહ્યા હોવાનું જણાયું હતું.'
વધુ માહિતી આપતા પોલીસ અધિકારીએ જણાવ્યું હતું કે, 'અમારી ટીમે ઉત્તર પ્રદેશ પોલીસના સહયોગથી રામપુર ગામના ખેતરમાં દરોડો પાડીને એક છૂપી લેબોરેટરીનો પર્દાફાશ કર્યો છે. ત્યાંથી અમે 6 કિલો તૈયાર એમડી, 50 કિલો લિક્વિડ મેફેડ્રોન અને હાલમાં જ પ્રતિબંધિત થયેલું 88 કિલો બ્રોમોફોર મિથાઈલ પ્રોપયોફિનોલ સહિત કુલ 200 કિલોથી વધુનો રો-મટિરિયલ અને મશીનરી જપ્ત કરી છે. આ મામલે કપિલદેવ શર્મા અને રામશંકર ઉર્ફે પંકજની ધરપકડ કરવામાં આવી છે, જેઓ છેલ્લા ત્રણ-ચાર મહિનાથી આ કામ કરતા હોવાનું પ્રાથમિક તપાસમાં બહાર આવ્યું છે.'
