દુર્લભ પક્ષી લુપ્ત થવાના આરે! કચ્છના અભ્યારણ્યમાં હવે 3 જ માદા ગ્રેટ ઈન્ડિયન બસ્ટર્ડ રહ્યા
Summarized by AI; it may make mistakes. Check important info
Summarized by AI; it may make mistakes. Check important info
Image: Gujarat Tourism |
Great Indian Bustard: ગુજરાતમાં દુર્લભ પક્ષી ઇન્ડિયન બસ્ટર્ડ લુપ્ત થવાને આરે છે. હવે કચ્છમાં માત્ર ત્રણ જ માદા ગ્રેટ ઇન્ડિયન બસ્ટર્ડ રહ્યાં છે. રાજ્યસભામાં આ મુદ્દો ઉઠ્યાં બાદ એવી રજૂઆત થઈ હતી કે, ગુજરાતમાં શેડ્યુલ-1માં આવતાં રક્ષિત પક્ષી ઇન્ડિયન બસ્ટર્ડની ઘોર ઉપેક્ષા કરવામાં આવી રહી છે જેના કારણે આ દુર્લભ પ્રજાતિના પક્ષીનું અસ્તિત્વ જોખમમાં છે.
ગ્રેટ ઈન્ડિયન બસ્ટર્ડના અસ્તિત્વને લઈને સવાલ
કચ્છમાં ગ્રેટ ઈન્ડિયન બસ્ટર્ડેનું અભ્યારણ છે. આ અભ્યારણમાં હવે માત્ર ત્રણ જ માદા ગ્રેટ ઇન્ડિયન બસ્ટર્ડ રહ્યાં છે. આ પરથી ગ્રેટ ઈન્ડિયન બસ્ટર્ડના અસ્તિત્વને લઈને સવાલ ઉઠ્યો છે. સાંસદ શક્તિસિંહ ગોહિલે રાજ્યસભામાં રજૂઆત કરી કે, છેલ્લા કેટલાય વખતથી પવનચક્કી સહિત અન્ય વ્યવસાયિક પ્રવૃત્તિઓને કારણે ગ્રેટ ઈન્ડિયન મોતને ભેટી રહ્યાં છે.
વિપક્ષનો આક્ષેપ
તેમણે આક્ષેપ કર્યો કે, શું રક્ષિત અભ્યારણની જમીન કોઈ ઉદ્યોગપતિને આપી દેવા માટે સરકાર ખુદ ઇચ્છી રહી છે કે, ગ્રેટ ઈન્ડિયન બસ્ટર્ડનું નામશેષ થઈ જાય. શું એટલે જ ગુજરાત સરકાર જાણી જોઈને આ પક્ષીની જાળવણી પ્રત્યે ધ્યાન આપતી નથી.
આ પણ વાંચોઃ ઈડરમાં એસીબીની રેડ, ભાજપ યુવા મોરચાના આગેવાન, મહિલા કર્મચારી 1.25 લાખની લાંચ લેતા પકડાયા
અશોક ગેહલોત મુખ્યમંત્રીપદે હતા ત્યારે તેમણે કચ્છમાં ગ્રેટ ઇન્ડિયન બસ્ટર્ડ નામશેષ ન થઈ જાય તે માટે રાજસ્થાનથી નર ગ્રેટ ઇન્ડિયન બસ્ટર્ડ આપવા ગુજરાત સરકારને ઓફર કરી હતી પરંતુ રાજ્ય સરકારે કોઈ જ ચિંતા દાખવી નહી. સરકારની ઉદસિનતાને પગલે આજે કચ્છમાં હવે માત્ર ત્રણ જ માદા ગ્રેટ ઇન્ડિયન બસ્ટર્ડ બચ્યાં છે. જો હજુ પણ ગ્રેટ ઈન્ડિયન બસ્ટર્ડ (ઘોરાડ)ની જાળવણી નહીં કરાય તો, આ દુર્લભ પક્ષી સંપૂર્ણપણે અસ્તિત્વ મિટાવી ચૂકશે.
