પોલીસમેન તરીકે ઓળખ આપી ફેસબુક ફ્રેન્ડ દ્વારા યુવતી પર દુષ્કર્મ

પ્ર.નગર પોલીસ મથકમાં ફરિયાદ નોંધાઇ

લગ્નની લાલચ આપી અવારનવાર યુવતીને હવસનો શિકાર બનાવનાર શખ્સની શોધખોળ

ભોગ બનનાર યુવતીએ પોલીસને જણાવ્યું કે, તે અન્ય રાજ્યની છે અને રાજકોટમાં રહી પ્રાઇવેટ નોકરી કરે છે. ફેસબુકમાં કેટલાક સમય પ હેલા એક ફ્રેન્ડ રીકવેસ્ટ આવી હતી. જે અમિતસીંગના નામની હતી. જે તેણે એસેપ્ટ કરી હતી. આ સમયે આરોપીએ પોતે પોલીસ કર્મચારી છે તેમ કહ્યું હતું.

ત્યારબાદ બંને વચ્ચે મેસેજથી વાતચીત શરૂ થઇ હતી. આરોપીએ પોતે અપરિણિત છે અને તેને પ્રેમ કરે છે, લગ્ન કરવા માંગે છે તેવી વાતો કરી પ્રેમજાળમાં ફસાવી હતી. બાદમાં આરોપીએ યુવતીના ઘરે આવક જાવક શરૂ કરી હતી. આરોપીએ યુવતીએ હવસનો શિકાર બનાવવાનું શરૂ કર્યું હતું.

આરપીએ તેને અવારનવાર હવસનો શિકાર બનાવ્યા બાદ તેને લગ્ન કરી લેવાનું કહેતા આરોપીએ ના પાડી દીધી હતી. એટલું જ નહીં આરોપીનો સંપર્ક પણ થતો ન હોવાથી અંતે યુવતીએ ફરિયાદ નોંધાવી હતી. પ્ર.નગર પોલીસ મથકના પીએસઆઈ ડી.એસ. ગજેરાએ ગુનો દાખલ કરી આરોપીને પકડવા ચક્રો ગતિમાન કર્યા હતાં. આરોપીએ ભોગ બનનારને પોતે પોલીસમાં હોવાનું કહ્યું હતું. જે પકડાયા બાદ તે ખરેખર પોલીસમાં છે કે કેમ ? તે બહાર આવશે.