છત્રાલ ગામના જવેલર્સની દુકાનમાંથી
પોલીસે બાતમીના આધારે મહિલાઓની કલોલથી અટાકયત કરી જેલના સળીયા પાછળ ધકેલી દીધી
કલોલ : કલોલ પાસેના છત્રાલ ગામે આવેલા જ્વેલર્સની દુકાનમાં ગ્રાહક બનીને આવેલી મહિલાઓએ સોનીની દુકાનમાંથી ૨૦ નંગ ચુની ભરેલા પેકેટની ચોરી કરી હતી રૃપિયા ૬૦,૦૦૦ ના માલ અંગે તેઓએ પોલીસ મથકમાં ફરિયાદ નોંધાવી હતી તેના આધારે પોલીસે ગુનો દાખલ કર્યો હતો અને તમામ મહિલા આરોપીઓની ધરપકડ કરી તેમને જેલના સળિયા પાછળ ધકેલીને તપાસ ચલાવી છે.
કલોલ પાસેના છત્રાલ
ગામે મારુતિ જ્વેલર્સ નામની દુકાન આવેલી છે આ દુકાનમાં ખરીદી કરવા માટે ચાર મહિલાઓ
આવી હતી તેમણે સોનાની ચુની સહિત ચાંદીની વસ્તુઓ ખરીદવાનું કહેતા સોની વેપારી તેમને
અલગ અલગ વસ્તુઓ બતાવી રહ્યો હતો આ દરમિયાન સોની વેપારીની નજર ચૂકવીને સોનાની
ચુનીનું વિસ નંગ ભરેલું પેકેટ મહિલાઓએ ચોરી કરી લીધું હતું અને તમામ મહિલા દુકાનની
બહાર ચાલી ગઈ હતી આ બાબતે પોલીસ મથકમાં ફરિયાદ નોંધાવવામાં આવી હતી તેના આધારે
તાલુકા પોલીસે ગુનો દાખલ કર્યો હતો ત્યારે પોલીસે બાતમીના આધારે આ મહિલાઓની
કલોલમાંથી ધરપકડ કરી હતી પોલીસે સોનીની દુકાનમાં ચોરી કરનાર મહિલા આરોપીઓ
જ્યોત્સનાબેન વિજયભાઈ દેવીપુજક તથા ગૌરીબેન કિરણભાઈ દેવીપુજક અને ગીતાબેન કિશનભાઇ
દેવીપુજક હતા એક કિશોરીની ધરપકડ કરી હતી પોલીસે તેમની પાસેથી ચોરીનો ૨૦ નંગ સોનાની
ચુની નો જથ્થો જપ્ત કર્યો હતો અને તમામની સામે ગુનો દાખલ કરી તપાસ ચલાવી છે.
