વડોદરાઃ વડોદરાના ભાયલી વિસ્તારના એક યુવકને કેનેડા મોકલવાના નામે કારેલીબાગના એજન્ટે રૃ.૧૭.૯૭ લાખ પડાવી લીધા હોવાની ફરિયાદ નોંધાઇ છે.
ભાયલીના એસ્ટ્રોન એવેન્યૂ ખાતે રહેતા મૂળ જૂનાગઢના વતની ભાવિન અંકોલાએ પોલીસને કહ્યું છે કે,મારે કેનેડા જવું હોવાથી ફેબુ્રઆરી-૨૩માં કારેલીબાગના શ્રીપાદ કોમ્પ્લેક્સમાં આવેલા અક્ષર ફોરેન એજ્યુકેશનમાં અતીત જિતેન્દ્રભાઇ બારોટ સાથે સંપર્ક કર્યો હતો.
તેમણે મને વિદેશ મોકલી આપવાની ખાતરી આપી પ્રોસિજર કરાવીને કુલ રૃ.૧૭.૯૭ લાખ લીધા હતા.પરંતુ ત્યારબાદ મને મોકલ્યો નહતો અને તેમણે આપેલા લેટર્સ પણ બોગસ જણાઇ આવ્યા હતા.જેથી કારેલીબાગ પોલીસે અતીત બારોટ(લીલેરીયા એપાર્ટમેન્ટ,સમા-સાવલી રોડ)સામે ગુનો નોંધ્યો છે.
