ગઢડાના સામાકાંઠા વિસ્તારમાં દુકાનમાં આગ ભભૂકી ઊઠી

ફાયર બ્રિગેડે ભારે જહેમત બાદ આગને કાબુમા લીધી

કાર સહિત દુકાનમાં રાખવામાં આવેલ માલસામાન બળીને ખાક થઈ ગયો હતો

ગઢડા શહેરમાં આવેલા સામાકાંઠા વિસ્તારમાં ગોડાઉન નજીકની એક દુકાનમાં આગ ભભૂકી ઉઠી હતી. આગના પગલે સ્થાનિક રહેવાસીઓ તથા પોલીસ કાફલો અને પીજીવીસીએલ સ્ટાફ સહિતના દોડી આવ્યા હતા. તેમજ ગઢડા અને બોટાદ નગરપાલિકાના ફાયર ફાઇટર દ્વારા આગ કાબુમાં લેવાઈ હતી. આગમાં આટગા કાર સહિત દુકાનમાં રહેલી સામગ્રી બળીને ખાક થઈ ગયા હતા. જ્યારે મોટી જાનહાનિ થતા અટકી હતી. આગ લાગવાનું ચોક્કસ કારણ હજુ સુધી જાણવા મળેલ નથી. આગના પગલે દુકાન ભાડુઆત અને વાળનો વ્યવસાય ધરાવતા રઘુવીરસિંહ મનોજકુમાર નાયકે (રહે. રામનગર, ઉત્તરપ્રદેશ) પોલીસમાં જાણવા જોગમાં જણાવ્યા મુજબ અંદાજે રૂપિયા બે લાખ જેટલી કિંમતની વસ્તુ બળીને ખાક થઈ જવા પામી હતી.