સાવલીના વિટોજ ગામે મંદિરની ચાવી રાખવાના મુદ્દે બે પક્ષો વચ્ચે માથાકૂટ : મામલો પોલીસમાં પહોંચ્યો

Vadodara : વડોદરા નજીક સાવલીના વિટોજ ગામે આવેલ મંદિરની ચાવી રાખવાના મુદ્દે બે પક્ષો વચ્ચે માથાકૂટ સર્જાઈ હતી. જેના કારણે એક તબક્કે ગામમાં માહોલ તંગ બન્યો હતો. ઘટનાની જાણ થતાં સ્થાનિક આગેવાનો તથા પોલીસને થતા તેઓ સ્થળ પર પહોંચ્યા હતા. બંને પક્ષોને સમજાવી પરિસ્થિતિ કાબૂમાં લીધી હતી. હાલ પરિસ્થિતિ કાબૂમાં હોવાનું જાણવા મળે છે. જે બાદ બંને પક્ષો સાવલી પોલીસ મથકે પહોંચ્યા હતા. ગામમાં ગેરકાયદેસર રેતી ખનન થતું હોવાના આક્ષેપ કરવામાં આવ્યા છે. છેલ્લા ઘણા વર્ષોથી ખનીજ માફિયાઓ દ્વારા ગેરકાનૂની રીતે નાવડીઓ મૂકી રેતી ખનન કરવામાં આવી રહ્યું હોવાના આક્ષેપ થયા છે. સમગ્ર બાબતે સાવલી પોલીસ મથકે લેખિતમાં અરજી પણ દાખલ થઈ હોવાનું જાણવા મળે છે. વિવાદ અંગે સ્થાયી નિરાકરણ માટે ચર્ચા હાથ ધરાઈ છે.