Vadodara : વડોદરા શહેરમાં એક દિવસ એક રોડ સફાઈની પાલિકા તંત્ર દ્વારા શરૂ થયેલી કામગીરીમાં અડચણરૂપ ગેરકાયદે દબાણોનો પણ સફાયો કરાઈ રહ્યો છે ત્યારે શહેરના પશ્ચિમ વિસ્તારમાં આવેલા વોર્ડ નં. 14માં નારાયણ ગાર્ડનથી લક્ષ્મીપુરા સુધીના રોડ રસ્તે ગેરકાયદે થયેલા દબાણો ખાણી પીણી સહિત અન્ય લારી ગલ્લાના દબાણોનો સફાયો કરાયો હતો. જ્યારે ફળફળાદીના પાંચ શેડ અને માર્જિનની જગ્યામાં બનાવવામાં આવેલા પાંચ જેટલા ઓટલા પર બુલડોઝર ફરી વળ્યું હતું. આ વિસ્તારમાંથી ત્રણ ટ્રક જેટલો માલ સામાન તંત્ર દ્વારા કબજે કરાયો હતો. આવી જ રીતે શહેરના પૂર્વ વિસ્તાર સંવેદનશીલ ભદ્ર કચેરીથી પાણીગેટ સુધીમાં વોર્ડ 9ના રોડ પરના ગેરકાયદે દબાણો હટાવીને વધુ એક ટ્રક સામાન કબજે કરાયો હતો.
ઉલ્લેખનીય છે કે પાલિકા તંત્ર દ્વારા એક રોડ એક દિવસની નવી કામગીરી અંતર્ગત રોડની સાફ સફાઈ દરમિયાન વોર્ડ નંબર 9માં નારાયણ ગાર્ડનથી લક્ષ્મીપુરા રોડ પર આવેલા ગેરકાયદે દબાણોનો સફાયો તંત્ર દ્વારા કરાયો હતો. રસ્તા પર ગેરકાયદે બનેલા ફળફળાદી સહિત અન્ય ચીજ વસ્તુઓના પાંચ શેડ સહિત માર્જિનની જગ્યામાં બનાવેલા પાંચ જેટલા ઓટલા પણ બુલડોઝરના સહારે તોડી પાડવામાં આવ્યા હતા.
આવી જ રીતે શહેરના પૂર્વ વિસ્તાર સંવેદનશીલ ભદ્ર કચેરીથી પાણીગેટ સુધી વોર્ડ નંબર 14માં આવેલા રોડ રસ્તાની સાફ-સફાઈ કરીને અડચણરૂપ ગેરકાયદે હંગામી દબાણો હટાવીને પાલિકા તંત્ર દ્વારા વધુ એક ટ્રક માલ સામાન કબજે કરવામાં આવ્યો હતો.
