ગારિયાધારના રૂપાવટી રોડ પર અકસ્માતમાં વૃદ્ધનું મોત

- અજાણ્યા આઈસરે અકસ્માત સર્જ્યો

- કામ સબબ જઈ રહેલા વૃદ્ધને માથાના ભાગે ગંભીર ઈજા પહોંચી, ગારિયાધાર પોલીસમાં ગુનો નોંધાયો

ગારિયાધારના વતની અને હાલ સુરત મોટા વરાછા ખાતે રહેતા મહેશભાઈ ધીરૂભાઈ ગોધાણીએ ગારિયાધાર પોલીસ મથકમાં અજાણ્યા આઈસર ચાલક વિરૂદ્ધ ફરિયાદ નોંધાવી હતી. જેમાં ગારિયાધાર ખાતે રહેતા તેમના પિતા તેમનું બાઈક લઈને ગતરોડ બપોરના સમયે જઈ રહ્યાં હતા ત્યારે ગારિયાધાર રૂપાવટી રોડ પાસે અજાણ્યો આઈસર ચાલક તેમની સાથે અકસ્માત સર્જી નાસી છૂટયો હતો. જે બાદ તેમના પિતાને પ્રથમ અમરેલી સરકારી દવાખાને અને બાદમાં ભાવનગર સર ટી.હોસ્પિટલમાં સારવાર માટે ખસેડયા હતા. જ્યાં સારવાર દરમિયાન તેમનું મોત નિપજ્યું હતું. બનાવ અંગે ગારિયાધાર પોલીસે ગુનો નોંધી આગળની તપાસ હાથ ધરી છે.