બાપુનગરમાં દાગીના અને દાણીલીમડામા મોબાઇલ સહિત 1.81 લાખની ચોરી

અમદાવાદ, બુધવાર

પૂર્વ વિસ્તારમાં ચોરીના બનાવો વધી ર્રહ્યા છે, બાપુનગરમાં મકાનની તિજોરીમાંથી રૃપિયા એક લાખના દાગીનાની ચોરી થઇ હતી. આ બનાવમાં ચોંકાવનારી બાબત એ છે કે મોડી રાત સુધી પરિવારજનો સગા સબંધી સાથે બેઠા હતા અને સવારે ચોરીની જાણ થઇ હતી. જ્યારે દાણીલીમડામાં સોફા ઉપર મોબાઇલ મૂકીન સૂતા હતા. સવારે જાગીને જોયું તો દંપતિના રૃા. ૮૧ લાખના ત્રણ મોબાઇલની ચોરી થયાની જાણ થઇ હતી. બાપુનગર અને દાણીલીમડા પોલીસે ચોરીનો ગુનો નોંધી તપાસ કરતાં પ્રાથમિક તપાસમાં કોઇ જાણભેદુ હોવાની શંકા સેવાઇ રહી છે.

સવારે કામવાળીને  આપવા પર્સ ચેક કરતા તેમાંથી રૃા. ૫૦૦  ગાયબ હતા, તિજોરીમાં લેવા જતાં દાગીના ચોરીની જાણ થઇ

બાપુનગરમાં રહેતી મહિલાએ બાપુનગર પોલીસ સ્ટેશનમાં અજાણી વ્યક્તિ સામે ફરિયાદ નોંધાવી છે કે મહિલાના બે દિવસ પહેલા તેમના ઘરે મહેમાન આવ્યા હોવાથી પરિવારજનો મોડી રાત સુધી જાગતા હતા. બીજા દિવસ સવારે તેમના પતિને કામવાળીને રૃા. ૫૦૦ આપવાના હોવાથી મહિલાએ તેમના પર્સમાંથી  રૃપિયા લેવાનું કહેતા પર્સ ચેક કરતાં તેમાંજ રૃપિયા ન હતા.  જેથી  તિજોરીમાં રૃપિયા લેવા જતાં રૃપિયા એક લાખની કિંમતના સોનાના દાગીનાની ચોરી થઇ હોવાની જાણ થઇ હતી. બાપુનગર પોલીસે  આ ઘટના અંગે ચોરીનો ગુનો નોંધી તપાસ કરતાં પ્રાથમિક તપાસમાં કોઇ જાણભેદુ હોવાની શંકા સેવાઇ રહી છે.

બીજા બનાવમાં દાણીલીમડામાં રહેતા યુવકે દાણીલીમડા પોલીસ સ્ટેશનમાં અજાણી વ્યક્તિ સામે ફરિયાદ નોંધાવી છે કે પાંચ દિવસ પહેલા પરિવારના સભ્યો રાતે ૧૦.૩૦ વાગે મકાનનો દરવાજો ખુલ્લો રાખીને સૂતા હતા અને રૃા. ૮૧ હજારના ત્રણ મોબાઇલ સોફા ઉપર મોબાઇલ મૂકીન સૂતા હતા, જો કે  સવારે જાગીને જોયું તો દંપતિના રૃા. ૮૧ લાખના ત્રણ મોબાઇલની ચોરી થયાની જાણ થઇ હતી.