વડોદરા એસ.ટી. વિભાગમાં 222 એપ્રેન્ટિસ ઉમેદવારોને નિમણૂક પત્રોનું વિતરણ

Vadodara ST Department : વડોદરા એસટી વિભાગની ભરતી પ્રક્રિયામાં 222 એપ્રેન્ટિસ ઉમેદવારોને રેસકોર્સ સ્થિત વિભાગીય કચેરી ખાતેથી નિમણૂક પત્રો વિતરણ કરાયા છે.

તાજેતરમાં ગુજરાત રાજ્ય માર્ગ વાહન વ્યવહાર નિગમ દ્વારા વડોદરા વિભાગ હેઠળના વિભાગીય કચેરી, વિભાગીય યંત્રાલય, વિભાગીય ભંડાર તેમજ વડોદરા વિભાગના 7 એસટી ડેપોમાં એપ્રેન્ટીસ એક્ટ મુજબ એમએમવી (મોટર મીકેનિક વ્હીકલ), વેલ્ડર, મિકેનિક ડીઝલ, કોપા, ટર્નર, ઈલેક્ટ્રિશ્યન, હેલ્થ સેનેટરી ઈન્સ્પેક્ટર અને પ્લમ્બર મળી કુલ 8 ટ્રેડ હેઠળના આઈટીઆઈ પાસ ઉમેદવારોની એપ્રેન્ટિસ તરીકે ભરતી પ્રક્રિયા હાથ ધરી હતી. જેમાં વડોદરા, આણંદ, પંચમહાલ, છોટાઉદેપુર સહિતના જિલ્લાઓમાંથી મોટી સંખ્યામાં અરજદારોએ રસ દાખવ્યો હતો. રેસકોર્સ ખાતેની વિભાગીય નિયામકની કચેરી ખાતેથી ગઈકાલે 129 તથા આજે 93 મળી કુલ 222 ઉમેદવારોને નિમણૂક પત્રો આપવામાં આવ્યા હતા. કોપા, વેલ્ડર, મિકેનિક ડીઝલ તથા હેલ્થ સેનેટરી ઈન્સ્પેક્ટરને એક વર્ષ માટે તથા ટર્નર, ઈલેક્ટ્રિશ્યન અને એમએમવીના ઉમેદવારોની બે વર્ષ માટે નિમણૂક કરવામાં આવી છે.