વડોદરા: પોલીસના ચુસ્ત બંદોબસ્ત છતાં ઉત્તરાયણમાં દારૂનું વેચાણ, ગોરવામાં દારૂના જથ્થા સાથે બુટલેગર પકડાયો

વડોદરામાં ઉત્તરાયણ દરમિયાન દારૂ બંધીના કડક અમલ માટે પોલીસ દ્વારા ઝુંબેશ ચલાવવામાં આવી હોવા છતાં દારૂનું વેચાણ છૂટથી થયું હોવાની વિગતો બહાર આવી છે. ગોરવા પોલીસે દારૂના મોટા જથ્થા સાથે એક નામચીન યુવકને ઝડપી પાડ્યો છે.

થર્ટી ફર્સ્ટ ડિસેમ્બર અને ઉત્તરાયણ દરમિયાન દારૂના મોટા જથ્થા ઉતારવામાં આવતા હોવાથી પોલીસ દ્વારા બે કરોડ ઉપરાંતનો દારૂ પકડવામાં આવ્યો હતો. જ્યારે પીધેલાના પણ રોજે રોજ સંખ્યાબંધ કસો કરવામાં આવતા હતા. આમ છતાં બુટલેગરો દ્વારા છુપી રીતે દારૂનું વેચાણ કરવામાં આવ્યું હતું.

ગોરવા વિસ્તારમાં સુભાનપુરા રોડ પર ઝાંસીની રાણી સર્કલ પાસે પોલીસે દારૂનું વેચાણ થતું હોવાની વિગતોને પગલે વોચ રાખી હતી. જે દરમિયાન રેસકોર્સ સોસાયટી માં રહેતા રાજ હરીશભાઈ ઠાકોરને પોલીસે દબોચી લઈ દારૂની જુદી જુદી બ્રાન્ડની 1.60 લાખની કિંમતની 214 બોટલ કબ લીધી હતી.દારૂનો જથ્થો ક્યાંથી લાવ્યો હતો અને એટલા સમયથી વેચાણ ચાલતું હતું તે બાબતે પોલીસે પૂછપરછ હાથ ધરી છે.