ડભોઇના શિક્ષકને Apk ફાઇલ મોકલી રૃા.૧.૯૫ લાખ પડાવ્યા

વડોદરા, તા.3 ડભોઇ તાલુકાના એક શિક્ષકને મોબાઇલમાં એપીકે ફાઇલ મોકલી બેક એકાઉન્ટોમાંથી રૃા.૧.૯૬ લાખ સાયબર ગઠિયાઓએ તફડાવી લીધા હતાં.

ડભોઇની અક્ષરધામ સોસાયટીમાં રહેતા મૂળ તાપી જિલ્લાના યોગેશ ચન્દ્રસિંહ ચૌધરીએ ડભોઇ પોલીસ સ્ટેશનમાં નોંધાવેલી ફરિયાદમાં જણાવ્યું છે કે હું ટીંબરવા હાઇસ્કૂલમાં છેલ્લા ૧૮ વર્ષથી શિક્ષક તરીકે ફરજ બજાવું છું. હું એસબીઆઇના ત્રણ તેમજ બીઓબીના ત્રણ બેન્ક એકાઉન્ટ ધરાવું છું. તા.૯ ડિસેમ્બરના રોજ હું સવારે ઘેર હતો અને મોબાઇલમાં રીલ જોતો હતો ત્યારે એક ટીવી એપ્લિકેશનની એપીકે ફાઇલ આવી હતી.

આ ફાઇલ ક્લિક કરતા થોડા સમય માટે ફોન હેન્ગ થઇ થઇ ગયો હતો અને એક ઓટીપી આવ્યા બાદ તે ઓટો જનરેટ થયો  હતો. ત્યાર બાદ શાળાનો સમય થતાં હું સ્કૂલમાં ગયો હતો અને મોબાઇલ મૂકી ક્લાસમાં જઇ પરત ફર્યો ત્યારે સાથી શિક્ષકે જણાવેલ કે તમારા ફોનમાં મેસેજો આવ્યા કરે છે. મેં ફોન ચેક કરતા અલગ-અલગ ટ્રાન્ઝેક્શનથી કુલ રૃા.૧.૯૬ લાખ બેન્ક એકાઉન્ટમાંથી ડેબિટ થયાના મેસેજો હતાં. જેથી હું તાત્કાલિક બેન્કમાં ગયો ત્યારે પોલીસ ફરિયાદ કરવાનું કહ્યું હતું.