વેર્સ્ટન ડિસ્ટર્બન્સના કારણે વાતાવરણમાં પલ્ટો

ભુજ,બુાધવાર

વેર્સ્ટન ડિસ્ટર્બન્સના કારણે માવઠાની સંભાવના વચ્ચે કચ્છમાં વહેલી સવારાથી હવામાનમાં પલ્ટો આવ્યો છે. વાદળછાયું વાતાવરણ રહેવા પામ્યું છે. વેર્સ્ટન ડિસ્ટર્બન્સના કારણે કમોસમી વરસાદ અને પવન ફુંકાવાની આગાહી હવામાન વિભાગ દ્વારા કરવામાં આવી છે. કારતકમાં કમોસમી વરસાદની ભીતિાથી ખેડૂતોની ચિંતા વાધી જવા પામી છે.

ગત વર્ષે જિલ્લામાં વરસાદ સોળ આની થયો છે. ખેડૂતો માટે નીલો દુષ્કાળ સાબિત થયો હતો. બાર દિવસ પહેલાં માવઠું થયું હતું. ફરી હવામાન ખાતા દ્વાર માવઠાની આગાહી કરવામાં આવતા ખેડૂતો મુંઝવણમાં મુકાઈ ગયા છે. રાયડાના પાકમાં ફુલ આવી રહ્યા છે. જો માવઠુ થશે તો નુકશાન ભોગવવાનો વારો આવશે એવું ખેડૂતોએ જણાવ્યુ હતું કે, પાક તેમજ ચારો વાડી કે ખેતરમાં પડયો છે તેમજ ગોવરના પાકને કાઢવાનો બાકી છે.

જિલ્લામાં સવારાથી જ વાતાવરણમાં પલ્ટો આવતા આખો દિવસ ધાબડીયા માહોલના પગલે ઠંડી વાધી છે. આકાશમાં વાદળો ઘેરાયેા હતા. સૂર્ય નારાયણે દર્શન દીધા ન હતા. નલિયામાં લઘુત્તમ તાપમાન ૧૭.ર ડિગ્રી, કંડલા (એ)માં ૧૯.૮ ડિગ્રી, ભુજમાં ર૦.૪ ડિગ્રી નોંધાયું છે. મહત્તમ તાપમાન ભુજના રપ.૬ ડિગ્રી નોંધાયું હતું જે ગઈકાલની તુલનાએ છ ડિગ્રી જેટલું નીચે ઉતરી જતા ઠંડીની તીવ્રતા વાધી હતી. લોકો ઠંડીથી રાહત મેળવવા તાપણી કરતા નજરે પડયા હતા.