છોટુભાઈ પુરાણી સ્ટેડિયમની કાયાપલટ કરાશે

અકોટા વિસ્તારના છોટુભાઈ પુરાણી સ્ટેડિયમ ખાતે અંદાજે રૂ. ૪૦ કરોડના ખર્ચે આંતરરાષ્ટ્રીયસ્તરની સુવિધાઓ ધરાવતું આધુનિક સ્પોર્ટ્સ કોમ્પલેક્ષ બનશે.

સ્ટેડિયમનું ક્ષેત્રફળ કુલ ૩૫, ૯૩૫ ચોરસ મીટર રહેશે, જેમાં ૭, ૧૪૦ ચોરસ મીટરમાં પ્રેક્ષક ગેલેરીની સુવિધા સાથે નવું ફૂટબોલ ગ્રાઉન્ડ બનાવાશે. સાથે જ ઈન્ડોર સ્પોર્ટ્સ બિલ્ડિંગમાં છ આધુનિક બેડમિન્ટન કોર્ટ તૈયાર કરવામાં આવશે, જેમાં પ્રેક્ષક ગેલેરી, ચેન્જિગ રૂમ, ઓફિસ, સ્ટોર રૂમ અને મીડિયા કવરેજ માટે ખાસ વ્યવસ્થા હશે. ઉપરાંત, ૩,૮૭૦ ચોરસ મીટર વિસ્તારમાં ૨૦૦ મીટર લંબાઈ ધરાવતી સ્કેટિંગ રિંક બનાવવામાં આવશે. ફોર વ્હીલર માટે મલ્ટી સ્ટોરિ પાર્કિંગ અને આઉટસાઈડમાં ટુ વ્હીલર પાર્કિંગની વ્યવસ્થા હશે.