છોટાઉદેપુર: જબુગામના દિવ્યાંગ યુવાને ખેલમહાકુંભમાં 2 ગોલ્ડ મેડલ મેળવ્યા, આદિવાસી સમાજનું ગૌરવ વધાર્યું

Chhota Udepur News : નડિયાદ ખાતે યોજાયેલી રાજ્યકક્ષાની સ્પેશિયલ ખેલમહાકુંભની સ્પર્ધામાં છોટાઉદેપુર જિલ્લાના જબુગામના દિવ્યાંગ યુવાન અમિત રાઠવાએ પ્રથમ સ્થાને ગોલ્ડ મેડલ મેળવીને જિલ્લાનું અને આદિવાસી સમાજનું ગૌરવ વધાર્યું છે.

જબુગામના દિવ્યાંગ યુવાને ખેલમહાકુંભમાં 2 ગોલ્ડ મેડલ મેળવ્યા

છોટાઉદેપુર જિલ્લાના જબુગામના દિવ્યાંગ યુવાન અમિત રાઠવા 75% જેટલી દિવ્યાંગતા ધરાવે છે. આમ, નડિયાદ ખાતે યોજાયેલી રાજ્યકક્ષાની સ્પેશિયલ ખેલમહાકુંભની સ્પર્ધામાં અમિત રાઠવાએ 100 મીટર દોડ અને ભાલાફેંકની રમતમાં ભાગ લીધો હતો. આ સ્પર્ધામાં અમિત રાઠવા બંને રમતમાં પ્રથમ ક્રમ મેળવીને ગોલ્ડ મેડલ જીત્યો હતો. 

આ પણ વાંચો: છોટાઉદેપુરમાં નિર્માણાધીન મકાન પરથી પટકાતા મજૂરનું મોત, સુરક્ષાના સાધનો વિના કરાતી હતી ધાબાના સેન્ટિંગની કામગીરી

તમને જણાવી દઈએ કે, અમિત રાઠવાએ આ અગાઉ વર્ષ 2016માં દિલ્હી-ગાઝિયાબાદ ખાતે નેશનલ પેરા ઓલિમ્પિકમાં 100 મીટર અને 200 મીટરમાં બ્રોન્ઝ મેડલ પણ મેળવ્યો હતો. આ સાથે છેલ્લા 8 વર્ષથી તેઓ સ્પેશિયલ રમતગમતની સ્પર્ધાઓમાં પ્રથમ ક્રમ મેળવતાં તત્કાલીન મુખ્યમંત્રીઓ અને રાજ્યપાલ દ્વારા સન્માનિત પણ કરવામાં આવ્યા છે.