ઓફિસ સામે પાર્ક કારનો કાચ તોડી રૂા. 8.70 લાખની રોકડની ચોરી

- ધોળકાના શંકરપુરા પાટિયા પાસે

- પાછળની સીટમાં પડેલી રોકડ અને મહત્વના દસ્તાવેજો ભરેલી ભેગ ગઠિયો લઈ પલાયન

બગોદરા : ધોળકાના શંકરપુરા પાટિયા પાસે આવેલી રુદ્રરાજ ટ્રેક્ટર્સની ઓફિસ સામે પાર્ક કરેલી કારનો કાચ તોડી અજાણ્યો ચોર રૂા. ૮.૭૦ લાખ રોકડા અને મહત્વના દસ્તાવેજો ચોરી ગયો હતો. 

ધોળકાના શંકરપુરા પાટિયા પાસે યુવરાજસિંહ નરેન્દ્રસિંહ વાઘેલા રુદ્રરાજ ટ્રેક્ટર્સની ઓફિસ ચલાવે છે. શુક્રવારે બપોરે તેમની કાર ઓફિસ સામે પાર્ક કરી હતી. કારની પાછળની સીટ પર બેગમાં ૮.૭૦ લાખ રોકડા મૂક્યા હતા. ઉપરાંત, બેગમાં કાર અને બેંક સહિતના મહત્વના દસ્તાવેજો હતા. ?જ્યારે યુવરાજસિંહ સાંજે લગભગ ૪ વાગ્યે કાર પાસે આવ્યા ત્યારે પાછળનો કાચ તૂટેલો હતો. અંદર જોતા તેમની રોકડ અને દસ્તાવેજોવાળી બેગ ગાયબ હતી. આ ઘટના અંગે ધોળકા પોલીસ સ્ટેશનમાં ફરિયાદના આધારે પોલીસે અજાણ્યા ચોર વિરુદ્ધ ગુનો દાખલ કર્યો છે.