GUJCTOC ના ગુનામાં વોન્ટેડ લાલુ સિંધી ગેંગનો વધુ એક નામચીન બુટલેગર ઝડપાયો

Vadodara Crime : વડોદરાની લાલુ સિંધી ગેંગ સામે નોંધાયેલા ગુજસીટોકના ગુનામાં વોન્ટેડ નામચીન આરોપી કાલુ ટોપીને પોલીસે ઝડપી પાડયો છે. 

સ્ટેટ મોનિટરિંગ સેલ દ્વારા થોડા સમય પહેલા નંદેસરી વિસ્તારમાં દરોડો પાડી લાલુ ગેંગનો રૂ.43 લાખનો દારૂ અને એક કરોડની કિંમતના વાહનો કબજે કર્યા હતા. ત્યાર પહેલા પણ જવાહર નગર પોલીસ સ્ટેશન વિસ્તારમાં સ્ટેટ મોનિટરિંગ સેલ દ્વારા લાલુ ગેંગ સામે દારૂનો એક કેસ કર્યો હતો. જેથી પોલીસે લાગુ ન ગેંગને નાથવા માટે ગુજસીટોક હેઠળ ગુનો નોંધ્યો હતો.

પોલીસ દ્વારા લાલચંદ ઉર્ફે લાલુ, સુનિલ ઉર્ફે અદો, મનોજ ઉર્પે પાપડ જેવા નામચીન બુટલેગરોને ઝડપી પાડ્યા બાદ વધુ એક નામચીન ગુનેગારને દબોચી લીધો છે. આ ગુનામાં વોન્ટેડ કાલુ ઉર્ફે ટોપી ઉર્ફે ટેકુ સુંદર દાસ ટેલવાણી (રહે વલ્લભ ઓર્ચિડ બંગ્લોઝ, અર્થ આઇકોન મલ્ટિપ્લેક્સની પાછળ, ખોડીયાર નગર) ને ચિખોદરા ચોકડી પાસેના એક ફૂડ કોર્ટમાંથી ઝડપી પાડ્યો છે. 

કાલુ તેની કાર લઈને ફૂડ કોર્ટમાં જમવા આવનાર હોવાની માહિતી મળતા ક્રાઈમ બ્રાન્ચ એ વોચ રાખી હતી અને તેની કાર જોવા મળતા ફૂડ કોર્ટમાંથી ઝડપી પાડ્યો હતો. કાલુ સામે કુલ 37 જેટલા ગુના નોંધાયેલા છે.