અમદાવાદ: ફાયર સેફ્ટીના ઉલ્લંઘન બદલ બોડકદેવ-થલતેજ વિસ્તારની 6 હોટેલો સીલ, જુઓ લિસ્ટ

Ahmedabad News: અમદાવાદ મ્યુનિસિપલ કોર્પોરેશનના નોર્થ વેસ્ટ ઝોનના ફાયર અને એસ્ટેટ વિભાગ દ્વારા બોડકદેવ અને થલતેજ વિસ્તારમાં કિચન, બિલ્ડિંગ અને ઇલેક્ટ્રિકલ ફાયર સેફ્ટી અંગે હાથ ધરાયેલા ઓડિટમાં ગંભીર બેદરકારી જણાતા કુલ 6 હોટેલોને સીલ કરવામાં આવી છે. આ ચેકિંગ દરમિયાન થલતેજ વોર્ડની હોટેલ રુદ્રા, હોટેલ 4 ફૂડ, અને હોટેલ કેપટાઉન, તેમજ બોડકદેવ વોર્ડની અપોલો હોટેલ, હોટેલ ગ્રાન્ટ ઇન અને વસ્ત્રાપુર ગુરુકુલ રોડ સ્થિત હોટેલ લેક ઇન સામે સપાટો બોલાવી કડક કાર્યવાહી અંતર્ગત આ તમામ એકમોને સીલ મારી દેવામાં આવ્યા છે.

સીલ કરાયેલ હોટેલ

- હોટેલ રુદ્રા, ન્યુ યોર્ક ટાવર, એસ.જી. હાઇવે, થલતેજ વોર્ડ

- હોટેલ 4 ફૂડ, થલતેજ વોર્ડ

- હોટેલ કેપટાઉન, થલતેજ વોર્ડ

- અપોલો હોટેલ, બોડકદેવ વોર્ડ

- હોટેલ લેક ઇન, ગુરુકુલ રોડ, વસ્ત્રાપુર

- હોટેલ ગ્રાન્ટ ઇન, બોડકદેવ વોર્ડ

ફાયર સેફ્ટી ઓડિટ દરમિયાન તપાસવાના મુખ્ય મુદ્દાઓ

- કિચન ફાયર સેફ્ટી

- બિલ્ડિંગ લાઇફ સેફ્ટી

- ફાયર પ્રોટેક્શન સિસ્ટમ

- ઇલેક્ટ્રિકલ ફાયર સેફ્ટી

સંભવિત કાયદાકીય કાર્યવાહી

જો ગંભીર ઉલ્લંઘનો જોવા મળે તો, સીલિંગ કાર્યવાહી, ફાયર NOC સસ્પેન્ડ/રદ, દંડાત્મક કાર્યવાહી, કોર્ટ કેસ, વેપાર લાયસન્સ રદ કરવાની ભલામણ, જોખમી વિસ્તારનો ઉપયોગ પ્રતિબંધિત કરવો, જાહેર સુરક્ષાના હિતમાં ઇમરજન્સી બંધ આદેશ કરી શકાય છે.

અમદાવાદ અને દિલ્હી માટે 10 અગત્યના ફાયર રિસ્ક મિટિગેશન પગલાં

- તમામ હોટેલમાં ઓટોમેટિક સ્પ્રિંકલર સિસ્ટમ ફરજિયાત કરવી.

- દરેક કિચનમાં વેટ કેમિકલ સુપ્રેશન સિસ્ટમ લગાવવી.

- AI આધારિત સ્મોક ડિટેક્શન સિસ્ટમ અપનાવવી.

- ત્રિમાસિક ફાયર સેફ્ટી ઓડિટ ફરજિયાત કરવો.

- માસિક મોક ઇવેકયુએશન ડ્રીલ કરવી.

- ફાયર કંટ્રોલ રૂમ 24×7 કાર્યરત રાખવો.

- ફાયર સેફ્ટી મેનેજરની નિમણૂક કરવી.

- કિચન ગ્રેસ મેનેજમેન્ટ પ્રોગ્રામ અમલમાં મૂકવો.

- ઓક્યુપેન્સી મોનીટરીંગ સિસ્ટમ લાગુ કરવી.

- તમામ ફાયર સેફ્ટી ખામીઓનું સમયમર્યાદામાં રેક્ટિફિકેશન કરવું.