બનાસકાંઠાના ગુંદરી હાઈવે પર અકસ્માત, ટેન્કરે ટક્કર મારતા બાઈક સવાર 2 વિદ્યાર્થીના કરૂણ મોત

Banaskantha News : બનાસકાંઠાના પાંથાવાડા નજીક ગુંદરી હાઈવે પર ભેરૂનાથ હોટેલ પાસે ટેન્કરની ટક્કરે બે બાઈક સવાર વિદ્યાર્થીના ઘટનાસ્થળે જ કમકમાટીભર્યા મોત નીપજ્યા છે. બંને વિદ્યાર્થીઓ બાઈક મારફતે ધોરણ 12ની પરીક્ષા આપવા જઈ રહ્યા હતા. 

ટેન્કરે ટક્કર મારતા બાઈક સવાર 2 વિદ્યાર્થીના કરૂણ મોત

મળતી માહિતી મુજબ, બનાસકાંઠાના ગુંદરી હાઈવે પર પૂર ઝડપે આવી રહેલા ટેન્કરે વિદ્યાર્થીના બાઈકને અડફેટે લીધું હતું. અકસ્માતના બનાવમાં બંને વિદ્યાર્થીને ગંભીર ઈજા પહોંચતા ઘટનાસ્થળે કરુણ મોત નીપજ્યા છે.

સાતસણ અને ગુંદરી ગામના આશાસ્પદ વિદ્યાર્થીઓના અકાળે અવસાનથી સમગ્ર પંથકમાં અને પરિવારમાં શોકનું મોજું ફરી વળ્યું છે. પોલીસ ઘટનાસ્થળે પહોંચી મૃતદેહોને પોસ્ટમોર્ટમ અર્થે મોકલી આગળની કાર્યવાહી હાથ ધરી છે.

મૃતકના નામ

હરેશસિંહ શેરસિંહ રાજપૂત (ઉં.વ.17, રહે.ગુંદરી)

લાલાભાઇ વિહાભાઇ ચૌધરી (ઉં.વ.17 રહે. સાતસણ)